Xəbər lenti
Ayna Sultanovanın abidəsi götürüləcək? (AÇIQLAMA)
Bakının Binəqədi rayonu ərazisində yerləşən Ayna Sultanovanın heykəlinin götürülməsi məsələsi gündəmdə deyil.
Manevr.az xəbər verir ki, bu barədə Binəqədi Rayon İcra Hakimiyyətindən oxu.az-ın sorğusuna cavab olaraq bildirilib.
Qeyd olunub ki, A.Sultanovanın heykəlinin bərpası işləri görülür.
Həmçinin bildirilib ki, A.Sultanovanın heykəli yerləşən parkda İcra Hakimiyyəti tərəfindən aparılan əsaslı təmir işləri yekunlaşmaq üzrədir:
"Görülən işlər sürətlə davam edir və yaxın günlərdə tamamlanması gözlənilir. Hazırda parkda son tamamlanma işləri həyata keçirilir".
Qeyd edək ki, Bakının Atatürk prospektində A.Sultanovanın heykəlinin yerləşdiyi park uzun müddətdir təmirə bağlanıb.
A.Sultanovanın parkdakı qranit heykəli 1986-cı ildə ucaldılıb.
Qeyd edək ki, A.Sultanova Azərbaycanda Kommunist Partiyasına yazılan ilk azərbaycanlı qadın olub. O, uzun illər bolşevik partiyasının ideyalarını həyata keçirib. 1930-1937-ci illərdə Azərbaycan SSR xalq maarif komissarının müavini, maarif komissarı, bir qədər sonra ədliyyə komissarı və digər vəzifələrdə çalışıb.
A.Sultanova tanınmış bolşevik Həmid Sultanovun həyat yoldaşı, inqilabçı Qəzənfər Musabəyovun bacısı idi.
O, 1938-ci ildə qardaşı Qəzənfər Musabəyov və həyat yoldaşı H.Sultanovla birlikdə güllələnib.
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar