Tanınmş şair Əli Rza Xələfli əməliyyat olunub -ŞƏKİL

Manevr.az bildirir ki, bu barədə şairin dostu, həmkarı Nəzirməmməd Zöhrablı məlumat verib:
"Bütün klassik ədəbiyyatın yaxın dostu, "çağdaş ədəbiyyat cəfakeşi", şair-publisist,  ustad yazarımız, əsərlərində türk-islam dünyasının bütün cizgilərini abidələşdirən, "Kredo" qəzetinin baş redaktoru, əziz dostumuz Əli Rza Xələfli paytaxtda yerləşən "Kamal klinika"da böyrək əməliyyatı keçirib. Əməliyyatdan ayılandan sonra əvvəlki əzəməti ilə gurlayan səsini eşidib fotolarını paylaşıram ustad yazarımızın. Uca Yaradanın köməkliyi ilə bu sınaqdan da uğurla çıxar inşallah!

Azərbaycanımızın tarixi, ədəbi, mədəni, humanist dəyərlərinə, Qarabağ həsrətinə və nəhayət 44 günlük VƏTƏN SAVAŞINA, ZƏFƏRİMİZƏ onlarla əsər, yüzlərlə məqalələr həsr edən, iki döyüşçü nəvənin 70 yaşlı  babası, görkəmli yazarımıza dualarımızı əsirgəməyək!

Əziz ƏLİ RZA müəllim! Qarşıda öz ölməz əsərlərinizlə hələ görəcəyiniz, gözlədiyimiz çox işlər var. Uca Yaradanın pənahında olasınız, ustad!", Nəzirməmməd Zöhrablı vurğulayıb.