İngiltərədə sosial şəbəkələrdə şəxsi yazışmalarda yol verdiyi orfoqrafik səhvə görə bir nəfərə bir il həbs cəzası verilib.
Manevr.az oxu.az-a istinadən bildirir ki, 48 yaşlı Qari Yanq məhkəmənin qərarı ilə keçmiş sevgilisi ilə ünsiyyət qurmaq hüququna malik olmasa da, sosial şəbəkələrdə onunla yazışmağa davam edib. Qız hərəkətə keçərək keçmiş sevgilisinin hesabını blok edib.
Bundan sonra, Yanq saxta hesab yaradaraq, ünsiyyətə davam edib, lakin öz adından deyil, Meri Montqomeri adı ilə sevgilisi ilə yazışıb. Buna baxmayaraq, qadın yalanın fərqinə varıb, çünki keçmiş sevgilisi leksikonunda müəyyən sözlərdən istifadə edib və "somerset" sözünü həmişə səhv yazıb.
Qeyd olunub ki, asayiş keşikçiləri Yanqı saxlayıblar və ondan həmin sözü yazmasını istəyiblər. Şübhəli şəxs bunu nə üçün istədiklərini bilmədən həmin sözü öz tərzində yazıb. Nəticədə Yanqa 12 ay həbs cəzası verilib.