“Natiqlik və diksiya” dərnəyi öz işini uğurla davam etdirir -ŞƏKİLLƏR

 Dağlıq Şirvan Regional Təhsil İdarəsi, İsmayıllı rayon Qoşakənd kənd tam orta məktəbində “Natiqlik və diksiya” dərnəyi öz işini uğurla davam etdirir. 

Dərnək Azərbaycan Respublikası Elm və Təhsil Nazirliyinin Təhsildə İnkişaf və İnnovasiyalar üzrə VII qrant müsabiqəsində qalib gəlmiş “Nitqin sənin kimliyindir” adlı layihə çərçivəsində fəaliyyət göstərir. Layihə çərçivəsində təşkil olunmuş dərnəyin fəaliyyət planına uyğun olaraq şagirdlərdə şifahi nitq qabiliyyətinin inkişaf etdirilməsi və diksiyanın yaxşılaşdırılması məqsədilə “Bədən dilinin, jest və mimikaların düzgün istifadəsi”, “Aydın diksiya nə üçün vacibdir”, “Özünəinam hissini artırmağın yolları”, “Natiqlik sənətinin incəlikləri”, “Çıxışın növləri və çıxışa hazırlaşmağın yolları” “Ağız tənbəlliyi” mövzularında təlimlər təşkil olunub. Layihə rəhbəri və peşəkar təlimçilər tərəfindən şagirdlərə bədən dili və onun nitqimizdəki əhəmiyyəti, jest və mimikaların mənasının necə başa düşülməsi, aydın diksiyanın vacibliyi və özünəinam hissini artırmağın yolları, natiqlik sənətinin incəlikləri, çıxışın növləri və ona hazırlaşmağın yolları, “ağız tənbəlliyi”nin törətdiyi fəsadlar və onların aradan qaldırılması barədə geniş məlumat verilib. Təlimlərdə “Diksiya Akademiyası”nın təsisçisi Cəlalə Nəzəroğlunun və digər diksiya mütəxəssislərin təqdimatında mövzularla bağlı videoçarxlar nümayiş etdirilib, şagirdlər tərəfindən müxtəlif praktik tapşırıqlar yerinə yetirilib.