İki ekranlı noutbuk təqdim olundu - VİDEO

Tanınmış “Asus” texnologiya şirkəti iki qatlanan ekranlı “Zenbook Duo” kompüterini təqdim edib. 
Xarici media xəbər verir ki, cihaz menteşələrlə bərkidilmiş üç hissədən - iki ekran və klaviaturadan ibarətdir. OLED ekranların diaqonalı 14 düym, tərəflərin nisbəti 16:10, təsvir ölçüsü 2880x1800 piksel və tezliyi 120 hers-ə qədərdir. Ümumilikdə kompüterdə 19,8 düymlük panel var.
Şirkət bəyan edib ki, buraxılan cihaz müxtəlif rejimlərdə istifadə oluna bilər. Əsas cihazın bir ekranı və klaviatura tərəfindən gizlədilmiş ikinci ekranı var. Həmçinin, displeylər klaviaturadan ayrı olaraq ayrıla və masaya quraşdırıla bilər. Siz həmçinin klaviaturadan əl çəkə və iki toxunma ekranını planşet kimi istifadə edə bilərsiniz.

Bu kompüter “Intel Core Ultra 9 185H” prosessoruna, 32 giqabayt operativ yaddaşa və 2 terabata qədər daxili yaddaşa malikdir. Cihaz həmçinin iki “Thunderbolt 4” portu, USB-A konnektoru, HDMI çıxışı və audio sistemi və ya naqilli qulaqlıqları birləşdirmək üçün interfeyə sahibdir.
“Zenbook Duo”nun qiyməti 1499 dollardır. Cihaz bu il Amerikada satışa çıxarılıb.