Xəbər lenti
“Duolingo ilə İngilis dili hamı üçün əlçatandır!” adlı layihənin təlimləri uğurla davam etdirilir -ŞƏKİLLƏR
Azərbaycan Respublikası Elm və Təhsil Nazirliyinin "Təhsildə inkişaf və innovasiyalar üzrə VII qrant müsabiqəsi"nin fərdi kateqoriysı üzrə qalibi “Duolingo ilə İngilis dili hamı üçün əlçatandır!” adlı layihənin təlimləri uğurla davam etdirilir.Layihə çərçivəsində Göyçay rayon Qaraxıdır kənd tam orta məktəbində Göyçay rayonunda şəhid və qazi ailələrindən, həmçinin müharibə iştirakçısı olmuş və sosial təminatı aşağı olan ailələrdə böyüyən V-VIII sinif şagirdləri üçün 3 aylıq ödənişsiz İngilis dili kursu fəaliyyətə başlayıb. 19 noyabr 2023-cü il tarixdə Göyçay rayon Qaraxıdır kənd tam orta məktəbində ingilis dili kursunu ilk təlimləri baş tutub. Həmin tarixdən etibarən həftədə bir dəfə olmaqla 26 noyabr 2023, 03 dekabr 2023, 10 dekabr 2023, 17 dekabr 2023, 24 dekabr 2023 və 06 yanvar 2024-cü il tarixlərində İngilis dili dərsləri keçirilib, təlimçi Günay süleymanova tərəfindən müdavimlərə ingilis dilində oxumaq, yazmaq, dinləyib-anlamaq bacarıqları öyrədilməklə kursun təlim proqramına uyğun olaraq "People", "Lifestyle", "Professions", "Travelling" bölmələri tədris edilib. Qeyd edək ki, “Duolingo ilə ingilis dili hər kəs üçün əlçatandır!” adlı layihənin məqsədi Göyçay rayonunda şəhid və qazi ailələrindən, həmçinin müharibə iştirakçısı olmuş və sosial təminatı aşağı olan ailələrdə böyüyən V-VIII sinif şagirdlərinin ingilis dili biliklərini möhkəmləndirmək, onların ingilis dilində oxumaq, yazmaq, dinləyib-anlamaq bacarıqlarını inkişaf etdirməkdən ibarətdir. Layihə rəhbəri Göyçay rayon Qaraxıdır kənd tam orta məktəbin İngilis dili müəllimi Rəxşəndə Həmidova, ingilis dili kursunun təlimçisi Günay Süleymanova, layihə üzrə ekspert Ziba Məmmədovadır. Layihə çərçivəsində Göyçay rayon Qaraxıdır kənd tam orta məktəbində 3 aylıq ödənişsiz İngilis dili kursu təşkil olunub, kursda təhsil alan 15 şagird ilkin test imtahanının nəticələrinə əsasən seçilib. Kursda hər 4 dərsdən bir 90 dəqiqəlik test imtahanı keçirilir, tədrisin nəticələri ekspertlər tərəfindən dəyərləndirilir. Layihənin bağlanış tədbirində 3 aylıq kursu bitirən müdavimlərə göstərdikləri nəticələrə müvafiq olaraq diplom və sertifikatlar təqdim ediləcəkdir.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar