İrana Ancelo de Souza ilə 12 ildən sonra evliliyini bitirmək qərarına gələn "Atletiko Mineyro"nun futbolçusu Halk qalmaqalla gündəmə gəlmişdi. O, keçmiş xanımının qardaşı qızı ilə evlənməklə Braziliyada səs-küyə səbəb olan addım atmışdı.
Manevr.az publika.az-a istinadən xəbər verir ki, 2019-cu ildən birlikdə olan cütlüyün bir qızı var. Braziliyalı forvardla Kamila Anqelonun daha bir uşağı olacaq.
37 yaşlı futbolçu bu informasiyanı gizli saxlamağa çalışıb. Ancaq buna nail ola bilməyib. Və sosial şəbəkələrdə bununla bağlı paylaşım edib:
"Həyat yoldaşımın hamiləliyi ilə bağlı göndərdiyiniz saysız-hesabsız mesajlara görə sizə təşəkkür etmək istəyirəm. Daha bir oğul, Allahdan daha bir nemət. Həyat yoldaşımla razılaşmışdım ki, bunu sirr saxlayım. Amma bunun sızacağını bilirdim".
Qeyd edək ki, bu Halkın ümumilikdə beşinci övladı olacaq.