.png)
Xəbər lenti
Yağışların intensiv olması sürüşmə zonalarında aktivləşmə yarada bilər - RƏSMİ AÇIQLAMA
“Yağışların intensiv olması sürüşmə zonalarında aktivləşmə yarada bilər”.
Manevr.az xəbər verir ki, bunu “Trend”ə açıqlamasında Geoloji Kəşfiyyat Agentliyinin İdarə Heyətinin sədri Əli Əliyev deyib.
Onun sözlərinə görə, Abşeron yarımadasında müşahidəyə cəlb edilmiş yeddi sürüşmə sahəsindən yalnız Masazır və Nübar qəsəbəsində zəif aktivlik müşahidə olunur.
“İsmayıllı, Şamaxı zonasında ən sonuncu dəfə Oğuz rayonunun Filfilli kəndində sürüşmə baş vermişdi ki, ora da kiçik sahə idi. Mütəxəssislər tərəfindən sahəyə baxış keçirilib. Həmin sahədə artıq stabilləşmə mövcuddur və ciddi təhlükə gözlənilmir”, - deyə o əlavə edib
Sədr bildirib ki, hazırda ən çox dinamik aktivlik cənub zonasında müşahidə edilir:
“Burada lokal sürüşmə prosesləri müşahidə olunur. Əsasən, Lerik, Astara rayonları ərazisində icra hakimiyyətləri vətəndaş müraciətləri əsasında həmin sürüşmə yerlərində monitorinqlər aparır. Astara rayonunun Şahağacı kəndində sentyabr ayında çayın sağ qolunda yatağın yuyulması prosesləri gedir. Bunun da əsas səbəbi yağan yağışlar nəticəsində çayda suyun artmasıdır. Ötən həftə bu proses daha da aktivləşmişdi. Nəticədə yol çay tərəfindən axıb və yolboyu hərəkət dayanıb. Müvafiq dövlət orqanları tərəfindən tədbirlərin icrasına başlanıb. Hazırda cənub zonası da daxil olmaqla sürüşmə sahələrində vəziyyət stabildir. Lakin nəzərə almaq lazımdır ki, artıq yağış mövsümü başlayıb. Yağışların intensiv olması sürüşmə zonalarında aktivləşmə yarada bilər”.
Qeyd edək ki, ümumilikdə ölkə ərazisində 99 lokal sürüşmə zonası müəyyən edilib və xəritələnib. Növbəti ildə isə sürüşmə zonalarının yeni xəritəsinin hazırlanması planlaşdırılır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar