Xəbər lenti
Qərbi Azərbaycanla bağlı yeni sayt və kitabın təqdimatı olub
“İpək yolu – qloballaşmaya dəstək” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirdiyi “Görkəmli Qərbi Azərbaycanlılar: Elm, Təhsil və Mədəniyyət Məbədi - İrəvan” layihəsi çərçivəsində tədbir keçirib.
Manevr.az xəbər verir ki, oktyabrın 23-də Azərbaycan Universitetində təşkil olunan tədbir layihənin adına uyğun olaraq “Görkəmli Qərbi Azərbaycanlılar” adlandırılıb. Universitetin Siyasi elmlər kafedrası ilə birgə təşkil olunan tədbirdə layihə çərçivəsində hazırlanmış “Görkəmli Qərbi Azərbaycanlılar: Elm, Təhsil və Mədəniyyət Məbədi - İrəvan” adlı video-çarx nümayiş etdirilib, vebsayt və kitab təqdim olunub.
Universitetin professor-müəllim heyətinin, ictimaiyyət nümayəndələrinin, bakalavr və magistrantların iştirak etdiyi tədbir şəhidlərin xatirəsinin yad edilməsi ilə başlayıb. “İpək yolu – qloballaşmaya dəstək” İctimai Birliyinin sədri, layihə rəhbəri, dosent Ədalət Əsədov layihənin mahiyyəti haqqında ətraflı məlumat verib. O, layihənin reallaşmasında dəstəyə görə Qeyri-Hökumət Təşkilatlarına Dövlət Dəstəyi Agentliyinə, eləcə də tədbirə ev sahibliyi etdiyi üçün Azərbaycan Universitetinin rəhbərliyinə minnətdarlıq edib.
Layihə çərçivəsində görülən işlərdən danışan Ədalət Əsədov qeyd edib ki, həyata keçirilən fəaliyyətlərin başlıca məqsədi Qərbi Azərbaycanın tarixi həqiqətlərini ictimaiyyətə çatdırmaq və görkəmli şəxsiyyətlərini dünyaya tanıtmaqdır.
Daha sonra Azərbaycan Universitetinin “Siyasi elmlər kafedrası”nın müdiri, dosent Elvin Talışınski və digərləri çıxış edərək, layihənin əhəmiyyətindən, Qərbi Azərbaycanlıların tarixən doğma torpaqlarından didərgin salınmasından bəhs edib.
Layihənin eksperti isə Qərbi Azərbaycanın görkəmli şəxsiyyətlərinin tanıdılması məqsədilə yaradılan www.westaz.az veb saytını təqdimatını edib, layihə çərçivəsində hazırlanmış sayt iştirakçılar tərəfindən maraqla qarşılanıb.
Tərbirin sonunda layihə çərçivəsində hazırlanan “Görkəmli Qərbi Azərbaycanlılar: Elm, Təhsil və Mədəniyyət Məbədi - İrəvan” adlı kitab iştirakçılara paylanıb.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar