.png)
Xəbər lenti
“Duolingo ilə İngilis dili hamı üçün əlçatandır!” layihəsinin təqdimatı keçirilib -ŞƏKİLLƏR
13 oktyabr 2023-cü il tarixdə Göyçay Rayon Z.Zülfüqarov adına Qaraxıdır kənd tam orta məktəbində Azərbaycan Respublikası Elm və Təhsil Nazirliyinin "Təhsildə inkişaf və innovasiyalar üzrə VII qrant müsabiqəsi" çərçivəsində icra edilən “Duolingo ilə İngilis dili hamı üçün əlçatandır!” adlı layihənin təqdimat mərasimi keçirilib. “Duolingo ilə İngilis dili hamı üçün əlçatandır!” adlı layihə çərçivəsində təşkil olunmuş tədbirdə Göyçay Rayon İcra Hakimiyyəti başçısının müavini Zivər Zeynalova, Mərkəzi Aran Regional Təhsil İdarəsinin Göyçay rayon sektorunun əməkdaşları, Qaraxıdır Kənd İcra Nümayəndəsi, Bələdiyyə sədri, layihə rəhbəri Rəxşəndə Həmidova, layihə üzrə ekspert Ziba Məmmədova, Piar xidməti üzrə mütəxəssis Elnarə Qasımova və Göyçay rayon təhsil ictimaiyyətinin nümayəndələri iştirak edib.
Azərbaycan Respublikasının Dövlət Himninin sədaları altında baş tutan tədbirdə layihə rəhbəri, Göyçay rayon Z.Zülfüqarov adına Qaraxıdır kənd tam orta məktəbinin İngilis dili müəllimi Həmidova Rəxşəndə Kazım qızı layihənin məqsədi və layihə çərçivəsində həyata keçirilən işlər barədə ətraflı məlumat verib. Qeyd edib ki, "Layihə çərçivəsində V-VIII sinif şagirdlərinin ingilis dili biliklərini möhkəmləndirmək,onların ingilis dilində oxumaq, yazmaq, dinləyib-anlamaq bacarıqlarını inkişaf etdirmək kimi hədəf istiqamətləri müəyyən edilib. Layihənin icrası zamanı “Duolingo ilə ingilis dili hər kəs üçün əlçatandır!” adlı 3 ay müdətinə öyrədici kursun təşkili nəzərdə tutulub". O, həmçinin Layihə çərçivəsində Göyçay rayon Qaraxıdır kənd tam orta məktəbində 3 aylıq İngilis dili kursunun təşkil olunacağını, kursda təhsil alan 15 şagirdin test imtahanının nəticələrinə əsasən seçiləcəyini vurğulayıb.
Layihənin piar işləri üzrə əməkdaşı Elnarə Qasımova layihənin əhəmiyyətindən söz açıb. Bildirib ki, “15 məktəblinin iştirak etdiyi İngilis dili kursunun fəaliyyət planına uyğun olaraq müdavimlərə "People", "Lifestyle", "Professions", "Travelling" bölmələri üzrə müvafiq bilik və bacarıqlar öyrədiləcəkdir. Kursda hər 4 dərsdən bir 90 dəqiqəlik test imtahanı keçiriləcəkdir və tədrisin nəticələri ekspertlər tərəfindən dəyərləndiriləcəkdir. Layihənin bağlanış tədbirində 3 aylıq kursu bitirən müdavimlərə göstərdikləri nəticələrə müvafiq olaraq diplom və sertifikatlar təqdim ediləcəkdir. 3 aylıq ingilis dili kursunda ingilis dilində oxumaq, yazmaq, dinləyib-anlamaq bacarıqları inkişaf etdiriləcəkdir.”
Sonda tədbir iştirakçıları ilə mövzu ətrafında fikir mübadiləsi aparılıb, iştirakçıları maraqlandıran suallar cavablandırılıb.
Tədbir çay süfrəsi ilə başa çatıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar