Aqil Abbasın səhhətində problem yaranıb? - Köməkçisi AÇIQLADI

Milli Məclisin deputatı Aqil Abbasın səhhətində problem yarandığı barədə sosial şəbəkələrdə məlumat yayılıb. Millət vəkilinin hazırda Türkiyədə müalicə aldığı deyilirdi. Aqil Abbasın hansı xəstəlikdən müalicə aldığı barədə isə məlumat verilməyib.
 
Manevr.az xəbər verir ki, News24.az məsələni dəqiqləşdirmək üçün Aqil Abbasın köməkçisi Ceyhun Rüstəmov ilə əlaqə saxlayıb.
 
Ceyhun Rüstəmov bildirdi ki, Aqil Abbasın səhhətində heç bir problem yoxdur:
"Aqil müəllimin səhhətində heç bir problem yoxdur. Sadəcə olaraq ümumi yoxlanış məqsədi ilə Türkiyəyə gedib".
 
Xatırladaq ki, Aqil Abbas Milli Məclisin Müdafiə, təhlükəsizlik və korrupsiya ilə mübarizə komitəsinin və Mədəniyyət komitəsinin, Albaniya, Meksika, Pakistan, Türkiyə parlamentləri ilə əlaqələr üzrə işçi qruplarının, Azərbaycan Respublikası Milli Məclisinin və Rusiya Federasiyası Federal Məclisinin ikitərəfli əməkdaşlığı üzrə parlamentlərarası komissiyanın üzvüdür.