Xəbər lenti
Müdafiə Nazirliyindən 100 milyon manata yaxın oğurluq edən "Sadıkovçu"lar məhkəmə qarşısında - şok cinayət dosyesi
![](https://cdn.musavat.com/news/thumbnails/85e9c92c5e2af498f08171cde7d02287.jpg)
100 milyon manata yaxın yeyintidə ittiham olunan generalla müttəhimlər kürsüsünü Hərbi Hava Qüvvələrinin (HHQ) Maliyyə Xidmətinin keçmiş rəisi, polkovnik Cəlal Kazımov, Quru Qoşunların Maliyyə İdarəsinə rəhbərlik etmiş Bayram Bayramov və bu idarənin zabiti Vüsal Əlizadə bölüşürlər.
Musavat.com xəbər verir ki, cinayət işində ölkənin müdafiə sektorunda 100 milyonluq yeyintidən bəhs olunduğunu nəzərə alaraq, məhkəmə prosesini izləməyə bir sıra media orqanlarının nümayəndələri gəlib. Lakin onların heç biri məhkəmə zalına buraxılmayıb.
Məhkəmənin hazırlıq iclasında isə təqsirləndirilən şəxslərdən Bayram Bayramovun vəkili deyib ki, müdafiə prosesinə yeni qoşulub, cinayət işinin materialları ilə tanış ola bilməyib. Bu üzdən məhkəmədən vaxt istəyib. Vəkilin istəyi nəzərə alınıb, general və digərlərinin məhkəməsi 1 həftəlik təxirə salınıb.
General Məmmədov və digərləri Dövlət Təhlükəsizliyi Xidməti (DTX) əməkdaşlarının keçirdiyi əməliyyat nəticəsində saxlanılıb. Bu cinayət işi üzrə araşdırmalar da DTX-nın İstintaq Baş İdarəsində aparılıb. Onlara qarşı Cinayət Məcəlləsinin 179.4-cü (xüsusilə külli miqdarda mənimsəmə) maddəsilə ittiham irəli sürülüb. Bu maddədə 10 ildən 14 ilə qədər azadlıqdan məhrumetmə cəzası nəzərdə tutulub.
Məlumata görə, mənimsənildiyi iddia olunan 100 milyon manata yaxın vəsaitin bir hissəsi (təxminən 40 milyon manat) istintaq dövründə ödənilib.
Adları çəkilən təqsirləndirilən şəxslərdən əlavə, Müdafiə Nazirliyinin bir sıra başqa vəzifəliləri də həbs olunmuşdu. Onların arasında nazirliyin Mənzil İstismar İdarəsinin rəisi olmuş Fikrət Mirzəyev, Satınalmalar və Təchizat İdarəsinin keçmiş rəisi Məlikməmməd Qurbanov və ondan əvvəl bu vəzifədə çalışmış Mahir Şirvanov var. Adları çəkilən 3 nəfərin məhkəməsi avqustun 31-də başlayıb. Onlar da külli miqdarda mənimsəmədə ittiham olunurlar.
Bakı Hərbi Məhkəməsinə göndərilən cinayət işinin materiallarına görə təqsirləndirilən polkovniklər Müdafiə Nazirliyinin sabiq Baş Qərargah rəisi Nəcməddin Sadıkovun qanunsuz tapşırıqlarını yerinə yetiriblər.
Məhkəmənin hazırlıq iclasında vəkillərdən biri də bu məsələyə toxunub: “İttihamda göstərilib ki, hüquqlarını müdafiə etdiyim şəxs digərlərilə əlbir olub, keçmiş Baş Qərargah rəisinin qanunsuz tapşırıqlarını yerinə yetirib. Amma həmin şəxs nə istintaqa cəlb edilib, nə də ifadəsi alınıb….”
Hakim isə bu məsələyə münasibət bildirməyib. Deyib ki, bu, məhkəmənin hazırlıq iclasında baxılıb münasibət bildiriləsi məsələ deyil. musavat.com
Manevr.az
Xəbəri paylaş
Çox oxunanlar
![](/uploads/posts/2017-12/1513590098_zehra-2.jpg)
![](/uploads/posts/2018-02/1519153962_15176299281096731184_1000x669.jpg)
![](/uploads/posts/2018-03/1520592290_631853_61520588488.jpg)
Son yüklənənlər
![](https://www.bakupost.az/uploads/news/2020-03-25-18-54-35qxfuTEbNKVgJv0Gs7Vzp_file.jpg)
![](/uploads/posts/2024-09/1725737016_messenger_creation_6ca7c368-ed95-4486-b18e-490b71b68257.jpg)
![](/uploads/posts/2024-09/02hzbo3x1rhfxm1df0ivoayitkrxw2s9nohsur72_1200.webp)
Axtarış
Reklam
![](/templates/yenimanev2/images/rek22.gif)
İqtisadiyyat
Şou-biznes
Yazarlar
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar