.png)
Xəbər lenti
Evində 50 ölkədən 1000 turist qonaqlayıb - Xınalıq sakininin maraqlı həyatı
Əllidən çox xarici ölkədən 1000-ə yaxın turist. Bu, hansısa hotelə gələn əcnəbi turistlərin sayı deyil. Qəribə də olsa, bu, dünyanın ən yüksək yaşayış məntəqələrindən biri sayılan Quba rayonunun Xınalıq kəndinin sakini Rəhman Sərkərovun son 15 ildə şəxsi evində qarşıladığı qonaqların sayıdır.
Manevr.az AZƏRTAC-a istinadən bildirir ki, 46 yaşlı Rəhman Sərkərov kənd turizmi ilə 2000-ci ildən məşğuldur. Son 10 ildə isə bu işi Quba Turizm İnformasiya Mərkəzi ilə qarşılıqlı əməkdaşlıq şəraitində qurub. İmzalanan müqaviləyə əsasən mərkəz Xınalıqda istirahət etmək istəyən turistləri onunla əlaqələndirir.
Bununla yanaşı, Rəhman Sərkərov bir sıra xarici turizm saytlarında evini turistlərə kirayə verməsi barədə elanlar da yerləşdirib. Bu elanlar əsasında ona müraciət edənlərin sayı da kifayət qədərdir.
Rəhman Sərkərov müsahibəsində bildirib ki, əcnəbi turistlər daha çox ona yay aylarında müraciət edirlər. Bir ay ərzində ən azı 15-20 sifariş alır. Dəniz səviyyəsindən 2350 metr yüksəklikdə yerləşən Xınalıq kəndini görməyə gələnlər arasında Almaniya, Fransa və başqa Avropa ölkələrinin vətəndaşları üstünlük təşkil edir. Bu il isə kəndə daha çox ərəb və rus turistləri gəlib.
Xınalıq sakininin xarici turistlərə təqdim etdiyi qiymətlər də olduqca münasibdir. Turistlər bir gün üçün cəmi 15 manat ödəməklə Rəhman Sərkərovun evində qala bilərlər. Bura gündə 3 dəfə yemək də əlavə olunsa, qiymət 30 manat təşkil edir. Ev internetlə təmin olunub. Bundan əlavə R.Sərkərov turistlərə bələdçilik edərək, onları Xınalığın tarixi yerləri, əsrarəngiz təbiəti ilə tanış edir.
Əksər kənd sakinləri kimi heyvandarlıq və başqa ənənəvi sahələrlə məşğul olmayan R.Sərkərov ailə büdcəsini yalnız kənd turizmindən qazanmaqla formalaşdırır. Dediyinə görə, yay aylarında bu sahədən qazandığı vəsait onun illik xərclərini qarşılayır.
Rəhman Sərkərov evində qalan turistlər üçün xatirə kitabı da hazırlayıb. Kanada, İndoneziya, Çin, Yaponiya, Avstraliya və onlarla başqa uzaq ölkədən gələn əcnəbi qonaqlar bu kitabda xoş təəssüratlarını qeyd ediblər.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar