Talıbovlara bağlı milyonluq şirkət ləğv olunur

“Gəmiqaya Holdinq”ə bağlı şirkət ləğv olunur.
Manevr.az-ın məlumatına görə, “Gəmiqaya Avtonəqliyyat” MMC ləğv olunur.
Şirkət 30.12.2022 tarixində dövlət qeydiyyatına alınıb və qanuni təmsilçisi Məmmədov Vüsar Məmməd oğludur. Hüquqi ünvanı Naxçıvan rayonu, Cəlil Məmmədquluzadə küçəsi, ev 34, mənzil 2 ünvanı olan şirkətin nizamnamə kapitalı 1 210,050 min manatdır.
Qeyd edək ki, bir müddət əvvəl “Gəmiqaya Avtonəqliyyat” MMC-nin tərkibindən “Avtonax MR”, “Avtonəqliyyat MR”, “Texnika Nax”, “Naxtexnika 2023”, “Naxlogistic” və “Avtotech MR” MMC-lər ayrılmış, şirkət yenidən təşkil olunmuşdu. 
Qeyd edək ki, Naxçıvan Muxtar Respublikası Ali Məclisinin sabiq sədri Vasif Talıbovun ailə üzvlərinə məxsus olan “Gəmiqaya Holdinq”in adı bir müddət əvvəl dəyişdirilərək “Arkoz Holdinq” olub.ölkə.az