Xarici medianın xəbərinə görə, Maskın keçmiş həyat yoldaşına təbrik mesajı gecikməyib.
Son zamanlar “Twitter”də etdiyi dəyişikliklərlə gündəmə gələn “SpaceX” və “Tesla”nın CEO-su İlon Musk 2010-cu ildə Talulah Riley ilə evlənib, 2012-ci ildə o, yollarını ayırmaq qərarına gəlib.
Lakin ayrılığa dözə bilməyən cütlük 2013-cü ildə yenidən nikah masasına əyləşib. Lakin sevgilərinə ikinci şans verən məşhur cütlük bir daha bir yerdə olmamaq qərarı verərək 2016-cı ildə ayrılıblar.
37 yaşlı aktrisa Talulah Riley bir dövrün uşaq ulduzu olan 33 yaşlı Tomas Brodi-Sanqsterlə nişanlandığını açıqlayıb.
Riley, evliliyə doğru ilk addımları "İki il birlikdə olmağımdan sonra Tomas Brodi-Sangster ilə nişanlandığımı elan etməkdən məmnunam" sözləriylə bəyan edib.
Keçmiş həyat yoldaşına təbrik mesajı
Sosial mediada yayılan xoş xəbərdən sonra 52 yaşlı İlon Mask iki dəfə evləndiyi və boşandığı keçmiş həyat yoldaşını “Twitter” platformasında təbrik edib.
Rileyin nişan paylaşımına ürək emojisi buraxan "Təbriklər" şərhi ilə çıxan Maskın bu hərəkəti tez bir zamanda gündəmi zəbt edib.
Nəyə görə iki dəfə evləndiklərini açıqladı
Digər tərəfdən, 'Pistol' serialının çəkilişlərində Tomas Brodi-Sangster ilə tanış olan Talulah Riley daha əvvəl verdiyi müsahibədə İlon Musk ilə niyə iki dəfə evləndiklərini açıqlayıb:
“Açığı, başa düşürəm ki, bu qəribə görünür. Amma o vaxtlar məna kəsb edirdi. Düşünürəm ki, yenidən evlənməyimizin səbəbi bir dəfə evləndikdən sonra evlənmədən aşiq olmaq axmaqlıq hissi idi. O, əla dostdur, mənə qayğı göstərir. Biz indi xoşbəxt bir yerdəyik, bir-birimizə yaxşı münasibət bəsləyirik, bu, həqiqətən gözəldir. Mənim ona sonsuz sevgim var”.
