Xəbər lenti
Bakıda gecə ilə 60 sot torpaq zəbt olundu - Dövlət qurumları hərəkətə keçdi - Şəkillər
İyulun 28-dən 29-na keçən gecə Xəzər rayonu, Sabunçu rayonu, Ağcabədi rayonu və digər rayonların sakinləri olan bir qrup Vətən müharibəsi iştirakçısı və bir neçə vətəndaş Xəzər rayonu sakini Vasif Nizami oğlu Hümbətovun rəhbərliyi ilə Suraxanı rayonunun inzibati ərazində yerləşən Hovsan südçülük sovxozu ərazisində, dövlət mülkiyyətinə aid, kənd təsərrüfatı təyinatlı olan 6000 kvadratmetr torpaq sahəsini zəbt edərək hasar tikintisi işlərinin aparılması faktı aşkar edilib.Bu barədə Suraxanı Rayon İcra Hakimiyyətindən bildirilib.
Qeyd olunub ki, Suraxanı Rayon İcra Hakimiyyətinin, Fövqəladə Hallar Nazirliyinin, Dövlət Şəhərsalma və Arxitektura Komitəsinin, İqtisadiyyat Nazirliyi yanında Əmlak Məsələləri Dövlət Xidmətinin və Suraxanı Rayon Polis İdarəsinin əməkdaşlarının birgə keçirdikləri tədbir nəticəsində özbaşına aparılan tikinti işlərinin qarşısı alınıb, zəbt olunmuş torpaq sahəsi əvvəlki vəziyyətinə qaytarılıb.
“Bildiririk ki, Vətən müharibəsi iştirakçısı olmuş sözügedən vətəndaşlar bundan öncə də bu kimi hallara cəhdlər etsələr də, bunun qarşısı alınıb və onlara müvafiq tövsiyə və xəbərdarlıqlar edilib”, - deyə açıqlamada qeyd olunur.
Sözügedən məsələ ilə bağlı mövcud qanunvericiliyin tələblərinə əsasən, lazımi tədbirlər görülməsi üçün Suraxanı RİH tərəfindən müvafiq məktublarla Suraxanı Rayon Polis İdarəsinə, Suraxanı Rayon Prokurorluğuna, FHN-ə, Dövlət Şəhərsalma və Arxitektura Komitəsinə və İqtisadiyyat Nazirliyi yanında Əmlak Məsələləri Dövlət Xidmətinə müraciətlər ünvanlanıb. qafqazinfo
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar