.png)
Xəbər lenti
Emil Rasimoğlu: “Anarı heç öz yazdıqları bağışlamayacaq, nəinki...”
Emil RasimoğluƏməkdar artist, müğənni, bəstəkar Elza Seyidcahanın Azərbaycan Yazıçılar Birliyinə üzv qəbul edilməsindən sonra bu istiqamətdə müzakirələr ölkə gündəmində qalmaqda davam edir.
Manevr.az xəbər verir ki, Azərbaycan Yazıçılar Birliyinin üzvü, Prezident təqaüdçüsü, şair Emil Rasimoğlu mövzu ilə bağlı “Bakı-Xəbər”ə açıqlamasında AYB rəhbərliyini tənqid edərək bir sıra mətləblərə toxunub:
“Bilirsiniz, Yazıçılar Birliyi uzun illərdir ki, Anarın diktaturasının, səriştəsiz rəhbərliyinin əsarətində özünün tənəzzül dönəmini, belə demək mümkündüsə, başqa-başqa şəkillərdə ən ağır durumunu, ətalətini yaşayır.
Bu gün o quruma ədəbiyyata, mətnə heç bir aidiyyəti olmayan bir şəxsin üzv kimi qəbul olunması, əslində Anarın, Çingiz Abdullayevin və digərilərinin Yazıçılar Birliyinin həyatında yaratdığı növbəti "faciənin" ifşasıdı. Bugünkü ifşanın da adı Elza Seyidcahandır.
Bu şəxslər elə bil and içiblər. And içiblər ki, biz bu birliyə Hüseyn Cavid, Əhməd Cavad, Mikayıl Müşfiq taleyini yaşadacağıq. Bəli, Yazıçılar Birliyi bu gün, Anar başda olmaqla, Çingiz Abdullayevin və digərilərinin əli ilə "soyuq yoxluqlara" sürgündədir. Heç bir daxili nizamnamə qaydaları, meyarlar tanımaq istəmirlər.
Dəhşətə baxın, Anar Elza Seyidcahanın müdafiəsinə qalxıb. Bu bilirsinizmi nə deməkdi? Bu, sənəti, ədəbiyyatı dırnaq arasına almaq, ədəbi dəyərlərə divan tutmaq, kürək çevirməkdir. Anarı heç öz yazdıqları bağışlamayacaq, nəinki böyük ədəbiyyat.
İstefalar məsələsinə gəldikdə isə, bu kimi olayların qarşısında həmişə istefa halları olub. Bu isə birbaşa fərdin öz şəxsi qərarından asılıdır. Məsələn, mən zaman-zaman demişəm ki, Yazıçılar Birliyindən istefa vermək yox, onu Anar əsarətindən xilas etmək lazımdır”
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar