_99.jpg)
Xəbər lenti
Məktəblərdə kütləvi zəhərlənmə ilə bağlı təxribat şübhəsi – Ekspert şərhi
Son vaxtlar Azərbaycanda ard-arda bir neçə məktəbdə şagirdlər arasında zəhərlənmə faktları qeydə alındı. Bəzi iddialara görə bu, konkret hansısa ölkənin təxribatıdır.
Belə bir şey mümkündürmü? İddia nə dərəcədə real hesab edilə bilər? Azərbaycan məktəblərində təhlükəsizlik tədbirləri nə dərəcədə qanedicidir?
Manevr.az xəbər verir ki, mövzunu Globalinfo.az-a şərh edən təhlükəsizlik üzrə ekspert Rəşad Rza sözügedən məsələyə səbəb kimi bir neçə ehtimalın olduğunu bildirib:
“Bu hadisəyə bir neçə yanaşma ola bilər. Guya bunun arxasında İranın təxribatının dayandığına dair ehtimallar səsləndirilir. Biz çox güclü erməni terrorizmi təhlükəsi ilə üz-üzə olduğumuzu da unutmamalıyıq. Yəni hadisənin ermənilərin təxribat planı olması da bu ehtimallar arasındadır. İkinci ehtimalın birincidən daha real göründüyünü düşünürəm. Amma bunun əsas və daha doğru səbəbləri araşdırmalıdır. Ancaq geniş tədqiqatdan sonra dəqiq bir şey demək olar ki, bu da təbii olaraq hüquq mühafizə orqanlarının üzərinə düşür.
Təhsil müəssisələrində təhlükəsizlik məsələləri maksimum həddə çatdırılmalıdır. Çünki hazırda universitetlərdə, məktəblərdə, bağçalarda qida təhlükəsizliyi və mühafizə sistemlərinin ürəkaçan olmadığını hesab edirəm. Məsələn, bağçalarda istənilən şəxsin rahatlıqla gəlib azyaşlının əlindən tutub apardığını görə bilirik. O cümlədən məktəblərdə də mühafizəçilərin əksəriyyəti yaşlı insanlardır. Bu məsələ universitetlərdə nisbətən normal tənzimlənir”.
Ekspert məktəblərin qida təchizatının davamlı şəkildə yoxlanılmalı olduğunu qeyd edib:
“Məktəblərə verilən qida məhsulları mütəmadi olaraq yoxlanışdan keçirilməlidir. Həmçinin təhsil müəssisəsinin yanında yerləşən marketlərin, şagirdlərin yemək aldığı yerlərin yoxlanışı da təbii ki, icra orqanlarının üzərinə düşür. Təəssüf ki, bu gün məktəblərin ətrafında sanitariya qaydalarının pozulmasına şahid oluruq, hər yer zibillikdir, üstü açıq qidaların satışı həyata keçirilir. Bütün bunlar da zəhərlənmə ilə nəticələnə bilər”.
Qeyd edək ki, aprelin 6-da Bakı şəhəri 20 nömrəli məktəb-liseydə şagirdlər arasında kütləvi zəhərlənmə yaşanıb. Zəhərlənmənin məktəb bufetində satılan toyuq ətindən baş verdiyi bildirilib. Həmçinin aprelin 18-də Bakıda 149 saylı məktəbin 15 şagirdi zəhərlənib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar