“Qadın cəmiyyətdə hansı mövqedə olmalıdır? Bizlər hamımız, ana bətnində 9 aylıq bir səfərdə olmuşuq. Adətən qadınlardan doğulan qadınlar, qadınlardan doğulan kişilər kateqoriyalarına bölünüb. İlk qidamızda, anamızın bədənindən bir parça halında bizə daim doyumluluq hissini aşılayıb. İnsan əslində, bir insanın bətnində formalaşır və o bətn olmadan, böyüyə bilmir. Ali varlıq şüurdan təcəssüm edirsə, ən gözəl yeriş də, ən gözəl addımda bir simadan digərinə ötürülür. Simanın ən gözəl forması- Qadınlardır. Qadın bir ana, bir bacı, əvəzsiz yol yoldaşı, sirdaş, həyatın özüdür. Bəs əsas sual Qadın cəmiyyətdə hansı mövqedə olmalıdır? Günümüzdə, özü qadından doğulub, qadını sevməyən onu unutduran bir cəmiyyətlə qarşı- qarşıyayıq. Şayələr, sosial şəbəkələrdə qadına atmacalar, mizahda olsa əxlaqsız tviterlər belə görürük. O şayələrin, o əxlaqsız Qadın kəliməsini alçaldan “ insancıqları niyə dəstəkləyib gündəmə salırsız? Rəylərdə qadınlarımızı savunmaq əvəzinə, öz həmcinslərini həzm etməyən “ Dünya Qadınlar cəmiyyətində yaşayırıq”. Artıq elə bir vəziyyətə gəlmişik ki, bir Qadın ölsə, günahında belə onu günahlandırıb: “ Ayda görəsən, nə zibili var imiş, özünü apara bilməyib, buna layiqdir. Həqiqətən, bu şərhlər iyrənc bir o qədər də, əxlaqsız yanaşmalardır. İnsanlar bəlkə adam olmağı sınayasız? Fərqi yoxdur Qadın və ya kişi. Fərd özündə, adam olmağı bacarmalıdır ki, mənəviyyatında təhsilləndirsin. Bəli təhsil sadəcə, 4 illik bir universitet yolu, 2 illik magistatura, və ondan daha yüksək mərhələlər deyil. Bəlkə elmi cəhətdən, çox informasiya biləcəksən, amma həyatı tətbiq etməyi bacarmayan bir filosof olsa belə, savadını bir ip ucluğunda as deyərəm. Təhsilli olsa da, avam düşüncələrdə, o qədər insanlar var ki, sadəcə təəsüf edirəm. İkinci bir cığır Qadağadır. “ Sən Qadınsan, ev işləri görməlisən, ərinin kənizi olmalısan, Qadınsan yüksəkdən gülmə, icazə al, mən nə deyirəmsə, odur. Bu ifadələr isə, daha çox qarşı cinsin bizlərə ünvanladığı köləlik situasiyalarıdır. Hansı ki, əsl kölə, elə sözün sahibidir. Hətta Qadının işləməyinə icazə verməyən qıt bir kütlənin beyni bu dünyanı zəbt edib. Qadın nədi? İşləmək nədi? O sadəcə evində olmalı, övladlarına baxmalı, həyat yoldaşının qazancını yeməlidir. Niyədə niyə? Hər bir qadın, əvvəla öz ayaqları üzərində durmağı bacarmalı, öz tələbatlarını özü ödəməlidir. Təhsillidirsə, mütləq işləməlidir. Əziyyəti puça vermək özü bir ağılsızlıqdır. Hər bir Gələcəyin Xanımı maddi və mənəvi öz dəstəkçisi olmalıdır. Qarşı cinsə ümid bağlayıb, onun ayaq altısı olmağı deyildə, təkbaşına ağladıqda belə, gözyaşlarını siləcək iki əlində özü olduğunu anlamalıdır. Ən əsası o qədər əlçatmaz olmalıdır ki, hamı ona baxdıqda, o güclü simanı görüb, onu həzm edə bilməsin. Qadın başdan- başa uğurdur. Qadın elə bir uğurlu təbəqədə olmalıdır ki, onu aşağı çəkən insanları seçə bilsin. Əsas nüans Qadın gələcəkdə elə bir ailə seçməlidir ki, yoldaşından tutmuş, öz övladları da, onunla birlikdə ən yüksək zirvələrə gedib, ən yüksək dağları fəth etsin. Ata hörmət sahibi, Yoldaş da, sevdiyinin hörmətçisinə çevrilməlidir. Yanında durub, biz səninləyik deməsini, artıq cəmiyyətin əsas şüarına çevrilməsini isdəyirəm.

İlahə Mirzəyeva

Manevr.az