Sumqayıt sakini marketin qarşısında narkotiklə tutuldu

Sumqayıtda narkotiklərin qanunsuz dövriyyəsində şübhəli bilinən saxlanılıb.
Manevr.az xəbər verir ki, şəhər Polis İdarəsinin Cinayət Axtarış Şöbəsi əməkdaşlarının keçirdikləri əməliyyat tədbirləri ilə Abdullayev Yavər Ənvər oğlu Sumqayıt şəhəri, Babək küçəsində yerləşən “Gold Qayalı” marketin qarşısında tutulub.
O, şəhər Polis İdarəsinə gətirildikdən sonra şəxsi axtarış zamanı əynində olan gödəkçənin sağ yan cibindən 1 ədəd şəffaf polietilen bükümdə 4,985 qram çəkidə kustar üsulla hazırlanmış narkotik vasitə heroin aşkar edilərək götürülüb.
Faktla bağlı cinayət işi başlanaraq istintaq aparılır.