Daha yüksək gəliri olan bələdiyyələr hansılardır?

Azərbaycanda olan 1606 bələdiyyənin ümumi büdcə gəliri 47,366 milyon manat olub. Orta hesabla bir bələdiyyəyə düşən gəlir 29,5 min manat təşkil edib. 
Lakin qeyd edək ki, bələdiyyələr arasında bəzilərinin gəliri orta göstəricidən bir neçə dəfə yüksək olub. Bu cür bələdiyyələrin sayı çox deyil.  

Manevr.az xəbər verir ki, ən yüksək gəlirə Sumqayıt şəhər bələdiyyələri sahibdir. 

Sumqayıtda 3 bələdiyyə var və onların ümumi büdcə gəliri 1,408 milyon manat olub. Bu şəhərdə bir bələdiyyənin orta gəliri təxminən 469 min manat təşkil edib. 

Gəncə bələdiyyələrinin də gəliri yüksəkdir. Gəncədə 3 bələdiyyə var və onlar 1,303 milyon manat büdcə gəlirinə sahib olub ki, burada da hər bələdiyyəyə orta hesabla 434 min manat düşüb.
Bakı bələdiyyələrinin gəliri 14,35 milyon manat olub. Paytaxtda 53 bələdiyyə var və onların hər biri təxminən 270,7 min manat gəlir əldə edib. 

Dördüncü ən yüksək gəliri olan bələdiyyələr Abşeronda yerləşir. Abşeronda olan 15 bələdiyyənin hər birinin gəliri orta hesabla 182 min manat olub. 

Digər şəhər və rayon bələdiyyələrinin heç birinin illik gəliri 100 min manatı keçməyib.sfera.az