Su ehtiyatlarımız azalır - Nazir müavinindən həyəcan təbili

Təəssüf ki, iqlim dəyişikliklərinin təsirləri Azərbaycandan da yan keçmədi, bu da su ehtiyatlarının azalmasına səbəb oldu. Su ehtiyatlarının 70 faizə qədər miqdarı qonşu ölkələrdə formalaşan transsərhəd çaylarının sularından təşkil olunur.

Bu sözləri ekologiya və təbii sərvətlər nazirinin müavini Vüqar Kərimov "Ölkədə su qıtlığının səbəbləri və mövcud vəziyyət" mövzusunda brifinqdə çıxışı zamanı deyib.

"Adambaşına düşən su ehtiyatının miqdarına görə ölkəmiz ilk 100-lükdə 90-cı yerdə dayanır.
Bu da suyun idarə olunmasını şərtləndirir. Su ehtiyatlarımız təəssüf ki, azdır və proqnozlar da sakitləşdirici deyil. Son 30 ildə su ehtiyatlarımızın 15-20 faizə qədər azalması və növbəti 50 ildə də bu qədər azalması proqnozlaşdırılır. Burada vacib məsələ məsuliyyətli su istehlakçısı formatında fəaliyyətimizin davam etdirilməsidir", - deyə o əlavə edib.ölkə.az