.png)
Xəbər lenti
Türkiyə zəlzələnin nəticələrini necə aradan qaldıra bilər? - AÇIQLAMA
Qardaş Türkiyədə dəhşətli zəlzələnin baş verməsindən bir həftə keçib. Artıq zəlzələnin iqtisadi nəticələrinin aradan qaldırılması ilə bağlı müzakirələr aparılır. Aydındır ki, 13,4 milyon vətəndaşın yaşadığı bölgədə minlərlə binalar, o cümlədən evlər, sosial obyektlər hospitallar və digər infrastrukturun yenidən bərpası ciddi maliyyə resursları tələb edir. İlkin qiymətləndirmələrə görə, zəlzələ Türkiyə iqtisadi artım tempini 2,0 faiz bənd azalda bilər.
Məsələ ilə bağlı millət vəkili, iqtisadçı ekspert Vüqar Bayramov özünün “Facebook” hesabında paylaşım edib.
Deputat bildirib ki, 1999-cu ildə Türkiyədə baş verən zəlzələnin miqyası və nəticələri ilə müqayisə göstərir ki, qardaş dövlət bu sınaqdan da zəifləmədən çıxacaq:
“Belə ki, 1999-cu il zəlzələsi Türkiyə iqtisadiyyatının 35,0 faizinin formalaşdığı ərazilərdə baş vermişdi.
Son zəlzələ qardaş ölkə iqtisadiyyatının 10,0 faizinin cəmləşdiyi coğrafiyadadır. Əgər 1999-cu il zəlzələsi daha çox sənayeləşmiş zonada baş vermişdisə, bu dəfə nisbətən az sənayeləşmiş ərazini əhatə edir. Nəhayət, Türkiyə 1999-cu ilə nisbətən daha güclü iqtisadiyyata malikdir. Əgər 1999-cu ildə Türkiyədə ÜDM-in həcmi 256 milyard dollar idisə, indi bu rəqəm 819 milyard dollardır.
Türkiyənin güclü olması türk dünyasının daha güclü olması anlamına gəlir. Bu baxımdan, Türkiyə iqtisadiyyatının zəifləməməsi, güclənməsi həmçinin türk dövlətlərinin inkişafı üçün də stimuldur”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar