Naxçıvan Diaqnostika Müalicə Mərkəzinin həkimləri etiraz aksiyası keçirib. Onlar etiraz olaraq xəstəxanada heçbir xəstə qəbul etməyiblər.
Manevr.az Ovqat.com-a istinadən xəbər verir ki, onların əsas etirazları həkimlərə nəzərdə tutulan sığorta ödənişlərinin verilməməsi ilə bağlı olub. Həkimlərin tələbi Azərbaycan Nazirlər Kabinetinin icbari tibbi sığorta haqda qanununda göstərilən əlavə ödənişlərin yerinə yetirilməsini təmin etməkdir.
Aksiyaya Naxçıvan Muxtar Respublika xəstəxanasının həkimlərinin də qoşulacağı bildirilir.
Məlumata görə, bir ilə yaxındır ödənilməyən sığorta maaşına görə iki qurum bir-birin günahlandırır. İTS (İcbari Tibbi Sığorta) Agentliyi və Səhiyyə nazirliyi günahı bir birinin üstünə atır. Adiyyati qurumlardan isə heç bir açıqlama yoxdur.