Azərbaycanda polislə balıqçılar arasında İNSİDENT - Yaralılar var?

Lənkəranın Nərimanabad qəsəbəsində polislə balıqçılar arasında insident yaşanıb.
Manevr.az xəbər verir ki, bu barədə sosial şəbəkədə məlumat paylaşılıb. Paylaşımda o da iddia olunub ki, insident zamanı 3 nəfər yaralanıb.
Daxili İşlər Nazirliyi mətbuat xidmətinin şöbə rəisi, polis polkovnik-leytenantı Elşad Hacıyev bildirib ki, tərəflar arasında münaqişə nəticəsində xəsarət olması ilə bağlı iddialar əsassızdır:
"Qızılağac Milli Parkında qanunsuz ovçuluqla bağlı polisə məlumat daxil olub. Polis əməkdaşları ərazidə ovçuluqla bağlı müəyyən olunan qayda və tələblər diqqətə çatdırılmaqla izahat işi aparıb. Hazırda park inzibatçılarından daxil olan müraciət üzrə ərazi üzrə polis orqanında araşdırmalar davam etdirilir".