Bir zamanlar həmin maşını Adolf Hitlerin generalı idarə edib.
Manevr.az bildirir ki, bu barədə lent.az-a maşının sahibi Teymur Məmmədov məlumat verib.
_1674131659.jpeg)
Onun sözlərinə görə, bu maşını qohumu Heydər Əhədov vəfat etdikdən sonra mərhumun oğlundan alıb:
"Heydər Əhədov deyirdi ki, bu maşın Almaniyada Hitlerin generallarından birinin şəxsi maşını olub. Bu maşın bir sıra xeyr işlərdə istifadə olunub. Eyni zamanda, bir neçə dəfə retro maşın kimi kliplərə çəkilib. İndi klassik maşını satmaq istəyirəm. Çünki daha yaxşı şəraitdə saxlanılmalıdır. Ölkəmizdə də bir dənədir bundan. Qiyməti isə 1 milyon 445 min manatdır".
Xatırladaq ki, avtomobil "Mercedes 170V” 1936-cı ilin fevralında Berlində keçirilən Beynəlxalq avtomobil və motosiklet sərgisində təqdim edilib. Zavod 1936-1942-ci illərdə bu modeldən 75 min istehsal etmişdi.
_1674131725.jpeg)
