Vasif Talıbovun şəkilləri yığışdırılır

Naxçıvan MR DİN-in tabeliyindəki idarə, şöbə və bölmələrdən Vasif Talıbovun şəkillərinin yığışdırılmasına başlanılıb.
Bu haqda "Gündəlik Naxçıvan"a yerli polis bölmələrindən məlumat verilib. Bununla bağlı tapşırığın Naxçıvana yeni təyin olunmuş daxili işlər naziri Süleyman Neymətovun verdiyi bildirilir. Şərur rayon Polis Şöbəsindəki mənbənin məlumatına görə nazirlik, yerli orqanlarda yoxlamalara da başlayıb:
"Nazirlikdən gəlmişdilər. Çoxu Bakıdan gələn yeni əməkdaşlarıdır. Süleyman müəllim özü ilə gətirib. Tapşırıq verildi ki, Vasif Talıbovun bütün şəkilləri təcili şöbədən yığışdırılsın".
Məlumatı Kəngərli, Babək və Şahbuz rayon polis şöbələrindəki mənbələr də təsdiq edir. 
Süleyman Neymətov dekabrın 28-də Naxçıvan MR daxili işlər naziri təyin olunub.ölkə.az