_99.jpg)
Xəbər lenti
Bəxtiyar Hacıyev aclığı dayandırdı
Həbsdə aclıq etdiyi bildirilən ictimai fəal Bəxtiyar Hacıyev aksiyanı dayandırıb.
Manevr.az xəbər verir ki, bu barədə onun vəkili Aqil Layıc məlumat verib.
Bəxtiyar Hacıyev qanunsuz həbs həbs edilməsini, ona qarşı irəli sürülən ittihamların əsassız olmasını vurğulayaraq, dekabrın 15-də Bakı Apellyasiya Məhkəməsində - öz işinə baxılarkən aclığa başladığını açıqlamışdı. Vəkili deyir ki, o gündən aclığı davam etdirən ictimai fəal ailə üzvlərinin, ictimaiyyətin və müdafiəçilərinin fikrini nəzərə alaraq, aclığı dayandırmağa qərar verib:"Aclıq aksiyasını rəsmi və faktiki olaraq dayandırıb. Hazırda səhhəti normaldır, həkim nəzarətilə qidalanmağa başlayıb. Ona dəstək olan hər kəsə minnətdarlığını bildirdi. Ona qarşı olan haqsızlığa son qoyulmasını tələb edir".
Bəxtiyar Hacıyevin ev dustaqlığına buraxılması üçün onun vəkilləri məhkəməyə vəsatət veriblər. Vəsatətə bu gün - dekabrın 29-da saat 17.00-da Xətai rayon Məhkəməsində baxılacaq.
Eyni məhkəmə bundan əvvəl - dekabrın 20-də onun ev dustaqlığına buraxılması barədə vəsatəti təmin etməmişdi.
Bəxtiyar Hacıyev dekabrın 9-da həbs olunub. Ona qarşı Cinayət Məcəlləsinin 221.1 (xuliqanlıq) və 289.1 (məhkəməyə hörmətsizlik) maddələrilə ittiham irəli sürülüb.
Bəxtiyar Hacıyevə qarşı cinayət işində onunla jurnalist Ülviyyə Alovlu arasında mübahisədən bəhs olunur. Lakin Bəxtiyar Hacıyev iddia edir ki, bu bəhanədir, o, sifarişlə həbs olunub.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar