_99.jpg)
Xəbər lenti
Sabiq deputat, keçmiş nazir qardaşı fəhləni işlədib pulunu vermir? - İDDİA
"Milli Məclisin keçmiş deputatı Elton Məmmədov məni işlədib aldadıb pulumu vermir. Zəhmət haqqımı gedib istəyəndə mənə deyir ki, polis rəisinə deyib səni həbs etdirəcəm.
Mən Ucar rayonunda yaşayıram, tikinti ustasıyam, sənətkaram. Keçmiş deputat Elton Məmmədov sürücüsü Sırac Quliyev vasitəsi ilə mənimlə danışdı ki, ona məxsus Ucarın Qazıqumlaq kəndində yerləşən villasının həyətində böyük bir avtomobil qarajı inşa edim.
Lahiyə-smeta hazırlandı və builin sentyabr ayında tikintiyə başlanıldı. 7x12 ölçüdə avtomobil qarajı 3 ay müddətində inşa edildi. Qarajda 10 nəfər usta işlədildi. Bahalı materiallardan incəliklərlə inşa edilən qaraj keçmiş deputat Elton Məmmədovun çox xoşuna gəlsə də, pulumu kəsdi, 3700 manatımı vermədi. Mən ona izah etdim ki, 3 ay ərzində hər gün taksi ilə Qazıqumlaq kəndinə gəlib-getməyə təkcə 1000 manat pul xərclənib.
Mən tikinti materialları satan mağazaya pul borclu qalmışam. Hansı ki, həmin tikinti materiallarını Elton Məmmədovun avtomobil qarajının inşası üçün nisiyə götürmüşəm. Tikinti işlərində mənə köməklik edən fəhlələrə pul borclu qalmışam.
Mənə olan 3700 manat borcu almaq üçün 3 dəfə Elton Məmmədovun evinə getmişəm. Axırıncı dəfə mənə bildirdi ki, polis rəisnə deyib səni həbs etdirəcəm.
İndi çıxılmaz vəziyyətdə qalmışam, mağazalara və fəhlələrə olan borcu verə bilmirəm.
Çox təəccüblü qalmışam ki, belə bir yalançı-kələkbaz adam uzun illər necə millət vəkili olub? Fəhlənin zəhmət haqqını kəsən çox imkanlı bir adam deputat ola bilərmi?
Mən mətbuat vasitəsi ilə cənab Prezident İlham Əliyevə müraciət edirəm. Milli Məclisin keçmiş deputatı Elton Məmmədovun barəsində tədbir görülməsi üçün götəriş verməyinizi Sizdən xahiş edirəm. Heç olmasa keçmiş nazir Ziya Məmmədov qardaşına desin ki, fəhlənin pulunu kəsmə, halallıq al",-deyə şikayətçi qeyd edir.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar