.png)
Xəbər lenti
Sabaha aparan pillələr...
Afət FərziyevaXEYİR axtararkən ŞƏRlə yol getsəm OLAR yola getsəm OLMAZ.
***
Gəldiyin yollarda qoyduğun izlər –
sabaha aparan pillələr...
***
Tutub qulağından gələn darlığın,
ayaqlarından sürüyüb apardığın,
üzünə güldüyün xəbərdarlığın
əhəmiyyətli olduğundan
heç şübhən olmasın...
***
Alnıma yazılan,
əllərimdə daşınan,
qulağıma oxunan,
üzümə çırpılan taleyim,
səni kimsələr sevməz...
tək mən sevərim
Ordakı yazım həyatım,
Ordakı yazım eşqim,
Ordakı yazım həyəcan dolu,
sevinc, kədər dolu xatirələr...
Hər gün mənə gülümsər,
hər gün məni izlər...
Alnımda, üzümdə, əlimdəki izlər...
Taleyimi daşıyan əllərim
Yazılmış kitab – alnım
Xatirə dolu gündəliyim...
Üzüm, əllərim –İZLƏRim
Tək mən sizi sevərim,
Tək mən sizi özlərim....
***
Evin çatısına qonmuş quş,
Səni kim göndərib, bir soruş.
Sən həm qorxaq, həm ürkəksən;
gəlmiş mesaj, təhlükəsən?
Kim göndərib səni mənə?
Xəbərin varmı...
olanlardan, keçənlərdən...
gələnlərdən, gedənlərdən....
Evimin çatısına qonan quş, bir soruş,
Səni KİM göndərib?
Səni niyə göndərib?...
***
Mən nə edim...
Dünya yalan dünyadır...
Gönüqalın, sırtıq, yalan, yaltaqdır...
Bəzən sənə doğmadan da doğmadır...
İnanma çox hər gün səni fırladır...
Ayaqların sağlam olsun dayan sən.
Bir az axsa, gör necə yıxılarsan.
Yıxılana əl tutan az vuran çox...
Bu dünyaya bel bağlama yam(n)an çox...
***
İtsəydin axtarardım...
Hər gün gözümün qabağında bitdin deyə
Səni görmədim...
***
Ürəyimin damarları
Fərqli çəkilmiş kabellər kimi
Gah yanır, gah sönür...
Qırmızı işıq altında
Dans edənlər ...fərqli görünürlər....
***
Köməyə tələsən həkim –
Qərar verən hakim.
Sənə xəstə lazımdır
Yoxsa ölü bədən?...
Kim sənə daha çox para verər
Özün düşün...
Məncə yarı ölü, yarı sağ bədən....
***
Barmağını dişləyib
Qənd yerınə çayla içdin...
Sənə gələn mənə gəlsin
Əgər yaxşı fikirdisə...
***
Açılmış əlləri boş qoyma, İLAHİ
Bir xurma, bir çörək,bir düyü, bir qənd
Bir ağıl, bir düşüncə, bir səxavət də qoy...
Açılmış əlləri boş qoyma, İLAHİ
İçinə Şükür dolu bir ÜRƏK də qoy!
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar