Nazarbayevin qardaşı oğlunun 230 milyonluq qızılı müsadirə edildi

Qazaxıstan hökuməti ölkənin sabiq prezidenti Nursultan Nazarbayevin qardaşı oğlu Kayrat Satybaldyulinə məxsus qiymətli daşları və zinət əşyalarını müsadirə edib.
 
Bu barədə Qazaxıstanın Korrupsiyaya Qarşı Mübarizə Agentliyi məlumat yayıb.
 
Məlumata görə, qızıl-zinət məmulatları MDB-dən kənar ölkələrdə keçirilən əməliyyat-axtarış tədbirləri zamanı götürülüb və artıq ölkəyə qaytarılıb. Onların ümumi dəyəri 230 milyon dollardan çox qiymətləndirilir.
 
Satybalduli Qazaxıstanın antikorrupsiya xidməti tərəfindən mart ayında "Kazakhtelecom"da mənimsəmədə şübhəli bilinərək saxlanılıb. modern.az

Manevr.az