.png)
Xəbər lenti
"Palmali"nin növbəti gəmisi daha bir şəhidimizin adını daşıyacaq
Mübarız Mənsimov"Palmali"nin növbəti gəmisi şəhid Vüsal Aslan oğlu Məhərrəmovun adını daşıyacaq.
Manevr.az xəbər verir ki, "Palmali Holding"in sahibi Mübarız Mənsimov şəhidin ailəsinə zəng edərək, xəbəri şəxsən verib, xeyir duasını aldıqdan sonra qısa zamanda İstanbula dəvət ediləcəklərini vurğulayıb. Şəhidlərimizin adını daşıyan hər gəmidə onların həyat və döyüş yollarını əks etdirən foto- və videomateriallar ilə zəngin bir otaq olur. Orada şəhidlərimizin uşaqlıq illərindən cəbhə bölgəsində olduğu vaxta qədər olan dövrü əhatə edən şəkillər qoyulub. Mübariz Mənsimov hazırlıq görülməsi üçün şəhid ailəsindən şəkilləri istəyib. Azərbaycan Silahlı Qüvvələrinin leytenantı, Vətən müharibəsi şəhidi Vüsal Məhərrəmov 1979-cu il dekabrın 10-da Masallı rayonunun Hışgədərə kəndində anadan olub. Ailəli idi. 2 oğlu yadigar qalıb. Vüsal Məhərrəmov 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan Azərbaycan ərazilərinin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Şuşanın azadlığı uğrunda gedən döyüşlərdə savaşıb. Vüsal Məhərrəmov noyabrın 4-də Şuşa döyüşləri zamanı şəhid olub. Azərbaycan Respublikasının Prezidenti İlham Əliyevin sərəncamları ilə ölümündən sonra "Vətən uğrunda" və "Şuşanın azad olunmasına görə" medalları ilə təltif olunub.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar