Xəbər lenti
“Xoşbəxt məktəb mühiti” adlı layihə çərçivəsində “dəyirmi masa” keçirilib
"Təhsildə inkişaf və innovasiyalar üzrə VI qrant müsabiqəsi" çərçivəsində İsmayıllı rayonu Qoşakənd kənd tam orta məktəbində həyata keçirilən “Xoşbəxt məktəb mühiti” adlı layihənin tədbirlər planına uyğun olaraq növbəti “dəyirmi masa” təşkil olunmuşdur. “Dəyirmi masa”da məktəbin ibtidai və yuxarı sinif şagirdləri iştirak etmişdir. Layihə rəhbəri Ziyəddin Mövlamov öz çıxışında məktəblərdə qısnamanın (bullinqin) qarşısını almaq məqsədilə son illərdə Təhsil Nazirliyi tərəfindən bir sıra əməli tədbirlərin həyata keçirildiyini vurğulayıb. Qeyd edib ki, Təhsil nazirinin 13 may 2019-cu il tarixli əmri ilə “Ümumtəhsil müəssisələrində əlverişli təlim və inkişaf mühitinin təmin edilməsi barədə əlavə tədbirlər barədə Fəaliyyət Planı” təsdiq olunmuşdur. Həmin Planda ümumtəhsil müəssisələrində sağlam mənəvi-psixoloji mühitin təmin edilməsi, məktəb-ailə münasibətlərinin təkmilləşdirilməsi, təhsilalanların hər hansı fiziki və psixoloji zorakılıq hallarından qorunması istiqamətində bir sıra tapşırıqlar nəzərdə tutulur. Təhsil Nazirliyi tərəfindən hazırlanan, nümayişi sosial mediada geniş əks-səda doğuran “Mənimlə danış” video-çarxı bu sahədə atılan ən uğurlu addımlardan biri hesab olunur. Daha sonra həmin video-çarx şagirdlərə nümayiş etdirilmiş və müzakirə olunub. Aşağı sinif şagirdlərinin iştirakı ilə təşkil olunan “dəyirmi masa”da isə layihənin təlimçisi Adil İskəndərov balaca məktəblilərə bir-biriləri ilə münasibətdə mehriban olmağı, qısnama (bullinq) hallarına yol verməməyi tövsiyə etmişdir. Sonra şagirdlərin yaş səviyyələrinə uyğun olaraq hazırlanmış “Bullinqə yox de anti bullinq animasiyası” nümayiş etdirilmişdir. Sonda balacalarla xatirə şəkilləri çəkdirilmişdir.
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar