Azərbaycan-Əlcəzair: İki kateqoriyadan olan şəxslər viza tələbindən azad edilir

Azərbaycan və Əlcəzair qarşılıqlı olaraq diplomatik və xidməti pasportlara malik şəxsləri viza tələbindən azad edir. 
Manevr.az-ın oxu.az-a istinadən məlumatına əsasən, bununla bağlı məsələ Milli Məclisin iclasında müzakirəyə çıxarılıb. 

Parlamentin Beynəlxalq münasibətlər və parlamentlərarası əlaqələr komitəsinin bu gün keçirilən iclasında “Azərbaycan Respublikası Hökuməti ilə Əlcəzair Xalq Demokratik Respublikası Hökuməti arasında diplomatik və xidməti pasportlara malik şəxslərin qarşılıqlı viza tələbindən azad edilməsi haqqında” Saziş müzakirə edilib. 
Qanun layihəsi səsə qoyularaq qəbul edilib.