Qeyd edək ki, bu proses, söz-söhbətsiz, müzakirəsiz ötüşmür. Bəzi təşkilatçıların anım mərasimlərindən öz piarları üçün istifadə etməsi narazılıq yaradır.
Manevr.az xəbər verir ki, şəhid mayor Vüsal Vəliyevin qardaşı Elyar İslamoğlu bununla bağlı şəhid ailələrinə müraciət edib. O, şəhid ailələrini, sui- istifadə hallarının qarşısını almağa çağırıb.
E.İslamoğlu deyib: “Əziz ailələr, imkan verməyin yas mərasimində təşkilatçılar şou yaratsın, əlinizdə-ovcunuzda olanı mənimsəsin, yas mərasimində əndazə aşılsın.
Maketə toy etmək, şəhidin şəklini tortun üstünə vurub onu valideynə kəsdirmək, başdaşında şəhidin şəklinə çəngəllə tort yedizdirmək, qara rəngdə hava balonları hazırlamaq, mərasimə meyxanaçı, müğənni dəvət etmək və cəmiyyətdə qıcıq, gülüş yaradan digər hərəkətlər təşkilatçıların ağlının məhsuludur.
Hər mərasimdən ən azı 2-3 min manat da təşkilatçılar qazanır.
Sadə ehsan, sadə mərasim ən gözəlidir.
Şəhidlərimizin adına layiq hərəkət edək, onları layiqli yaşadaq”./yenisabah