6 ilin sevgililəri bacı-qardaş çıxdılar

6 ilin sevgililəri bacı-qardaş çıxdılar - Serialları xatırladan olay

Tarix: 12-09-2022 23:14 Baxış: 3231 A- / A+

ABŞ-dan olan Reddit istifadəçisi sevgilisi ilə DNT testindən keçdiklərini və onların qohum olduqlarını bildiklərini bildirib.

Cütlüyün hekayəsi "The Mirror" nəşrinin diqqətini çəkib.

30 yaşlı qadın uşaq ikən övladlığa götürüldüyünü orta məktəbdə oxuyarkən bildiyini deyib. Bu fakt ona, məlum olduğu kimi, himayədar ailədə böyüyən sevgilisi ilə yaxınlaşmağa kömək edib. Cütlük altı il görüşdülər və birgə gələcək planlaşdırıblar. Bir gün gənclər mənşəyi haqqında daha çox məlumat əldə etmək üçün DNT testindən keçməyə qərar veriblər.

Test göstərdi ki, kişi onun qardaşıdır. "Bizim gözəl münasibətimiz var. Biz bir-birimizi mükəmməl başa düşürük. Tez bir-birimizə bağlandıq. Özümü bu qədər yaxın hiss etdiyim bir insana rast gəlməmişəm. İndi başa düşürəm ki, bütün bunlar mənim öz qardaşım olduğu üçündür", - deyə sevgilisi ilə qohumluğundan xəbər tutan qadın bildirib.

Altı illik münasibətdə cütlük sevgililərin adətən etdiyi hər şeyi ediblər. Onlar bir-birlərinə hisslərini etiraf ediblər, cinsi əlaqədə olublar, əlamətdar tarixləri qeyd ediblər və bir-birlərini valideynləri ilə tanış ediblər. "Uşaq sahibi olmamaq qərarına gəldiyimiz üçün şadam", - qadın deyib.

Postu paylaşmaqdan bir neçə dəqiqə qabaq qadın bu xəbəri öyrənib və qorxub. "Mən hələ sevgilimə deməmişəm. Ümid edirəm ki, bu səhvdir, amma indi hər şey öz yerinə düşür. Bizə həmişə deyirdilər ki, biz çox oxşarıq və ya o, mənim kişi variantımdır".

Daha sonra qadın test nəticələrini sevgilisinə göstərdiyini söylədiyi əlavə dərc edib. O, təkrar test nəticələri hazır olana qədər təlaşa düşməməyi və tələsik qərarlar verməməyi təklif edib.

İstifadəçilər cütlüyə simpatiyalarını bildiriblər. "Belə bir vəziyyətdə olmaq dəhşətli olmalıdır", - deyə onlardan biri yazıb. "Çox kədərlidir. Bununla bacarmağını nə qədər çətin olacağını təsəvvür edə bilərəm", - başqası qeyd edib. Bəzi şərhçilər övlad sahibi olmayacağını nəzərə alaraq cütlüyün ayrılmamasını təklif ediblər. milli.az

Manevr.az