Səyahət sığortasından ƏDV tutulurmu?

Azərbaycan Respublikası hüdudlarından kənarda yerləşən şirkətin onlayn təqdim etdiyi səyahət sığortası üçün bank tərəfindən 18 faiz ƏDV tutulması düzgündürmü?
 
Dövlət Vergi Xidmətindən bildirilib ki, Vergi Məcəlləsinə əsasən, səyahət sığortasının əldə edilməsinə görə xarici ölkənin sığorta şirkətinə edilən ödənişlər elektron ticarət qaydasında göstərilən iş və xidmətlərə aid edilmir.
Bu baxımdan, həmin ödənişlərdən ödəməni həyata keçirən yerli bank tərəfindən alıcının vəsaiti hesabına 18 faiz dərəcə ilə ƏDV tutulmur.