_99.jpg)
Xəbər lenti
Nərmin Qaralovanın işdən qovduğu 67 müəllimdən XƏBƏR VAR
Azərbaycan Dövlət Mədəniyyət və İncəsənət Universitetinin nəzdindəki Humanitar Kollecin 67 müəlliminin işdən çıxarılması ilə bağlı qalmaqal davam edir. Çıxarılan müəllimlər 8 aydan çoxdur ki, nə yeni işlə təmin oluna bilirlər, nə də öz yerlərinə qaytarılırlar. Məsələ ilə bağlı Binəqədi Rayon və Apellyasiya məhkəmələrində 12 məhkəmə prosesi keçirilib.
Manevr.az xəbər verir ki, bu barədə Bizim.Media-ya işdən çıxarılan müəllimlərdən biri, Humanitar Kollecin keçmiş şöbə müdiri Xəyalə Əhmədova məlumat verib.
Hazırda işə Apellyasiya Məhkəməsində baxıldığını vurğulayan Xəyalə Əhmədova proseslərin hələ ki onların xeyrinə davam etdiyini bildirib.
Xəyalə Əhmədova Nərmin Qaralovanın heç bir məhkəmə prosesində iştirak etmədiyini də qeyd edib:
“Onun hüquqlarını müdafiə edən şəxs proseslərə qatılır. Bizim üçün heç bir fərqi yoxdur. Əsas odur ki, haqlı olduğumuz sübut olunsun və məhkəmənin qərarı ilə işimizə bərpa edilək. Hələ ki məhkəmə prosesləri 90 faiz xeyrimizə davam edir. Gözləyirik”, - deyə o bildirib.
Xatırladaq ki, ötən il noyabrın 26-da direktor Nərmin Qaralovanın əmri ilə Azərbaycan Dövlət Mədəniyyət və İncəsənət Universitetinin nəzdində Humanitar Kollecin (Keçmiş Mədəni Maarif Texnikumu) 67 müəlliminin işinə rəsmi xitam verilib.
Çıxarılan müəllimlərdən 46-sı ali təhsilli müəllim, 21-i orta ixtisas təhsilli şəxs, 5-i isə şöbə müdiridir.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar