.png)
Xəbər lenti
"Hər şey onun əməllərinə görə olub, amma hədəfə Rafael müəllim gəlib" - Aida Cəbrayılova
Keçmiş deputat Rafael Cəbrayılovun qardaşı Elşən Cəbrayılov barəsində bir aylıq həbs-qətimkan tədbiri seçilib.
Bu barədə qaynarinfo-ya mərhum Rafael Cəbrayılovun hüquqi varisi olan xanımı Aida Cəbrayılova məlumat verib.
Xanım Cəbrayılova hesab edir ki, Elşən Cəbrayılov barəsindəki cinayət işinin mərhum əri barəsindəki cinayət işinə birləşdirilməlidir: "Əslində bu iki iş eynidir. Daha doğrusu, baş verənlər Elşən Cəbrayılovun əməllərinə görə olub. Amma hədəfə Rafael müəllim gəlib. Ona görə də bu cinayət işləri birləşdirilməlidir”.
Aida Cəbrayılova həmçinin Elşən Cəbrayılov barəsində Baş Prokuror yanında Korrupsiyaya Qarşı Mübarizə İdarəsinə də müraciət edib: "Elşən Cəbrayılov 8 milyon manat məbləğində vergidən yayınıb. Bu barədə Korrupsiyaya Qarşı Mübarizə İdarəsinə müraciət etmişəm".
Rafael Cəbrayılovun cinayət işi üzrə zərərçəkmiş qismində tanınan vətəndaşlar da Elşən Cəbrayılovdan şikayətçidir. Yeri gəlmişkən, onlardan bəziləri Elşən Cəbrayılovun cinayət işi üzrə dindirilib.
Zərərçəkənlər Rafael Cəbrayılovun məhkəməsində Elşən Cəbrayılovla bağlı vəsatət qaldırmağa hazırlaşır: "Bu cinayət işləri ayrı-ayrılıqda araşdırıla bilməz. Çünki biz pulu Rafael Cəbrayılova versək də, müqavilələr Elşən Cəbrayılovla bağlanıb. O, bizi aldadaraq saxta müqavilə təqdim edib".
Elşən Cəbrayılov aprelin 11-də Nərimanov Rayon Polis İdarəsinin əməkdaşları tərəfindən şübhəli şəxs qismində saxlanılıb. Nərimanov RPİ-in İstintaq idarəsində onun barəsində Cinayət Məcəlləsinin 178.3.2-ci (Dələduzluq, külli miqdarda ziyan vurmaqla törədildikdə) maddəsilə cinayət işi başlanılıb.
Aprelin 12-də Nərimanov rayon Məhkəməsi Elşən Cəbrayılov barəsində həbs qətimkan tədbirinin seçilməsi ilə bağlı istintaq orqanının təqdimatını əsassıs sayaraq onu məhkəmə zalından azadlığa buraxmışdı.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar