Rusiya niyə geri addım atdı, Peskov NATO barədə açıqlaması ilə nə demək istəyir? - AÇIQLAMA

                             
“Çünki Rusiya geosiyasi oyun qaydalarını düzgün oynayan bir dövlətdir. Böyük güclər öz coğrafiyasına digər hərbi blokların və alyansların yaxınlaşmağını istəmir. Bu, təbii prosesdir. Rusiya NATO-nun öz coğrafiyasına doğru genişlənməyini arzuolunmaz hesab edir. ABŞ isə Cənubi Amerikada müəyyən solyönümlü hökumətlərin Rusiyaya yaxınlaşmağını istəmir. Bu mənada ola bilsin ki, Peskovun fikirləri kontekstdən çıxarılıb. Yəqin ki, Peskov NATO-nun genişlənməsi Rusiyanı narahat etmir dedikdə NATO-nun öz arealını nəzərdə tutur”.
Politoloq əlavə edib ki, Rusiyanın Qərbi Avropa və Şimali Amerika qitəsində öz siyasi ideallarını gerçəkləşdirmək perspektivləri yoxdur:
“Rusiyanın NATO sərhədlərinə doğru genişlənməsi və ya NATO-nun Rusiya sərhədlərinə doğru irəliləməsi geosiyasi qaydaların pozulması deməkdir. Hazırki situasiyanın qeyri-müəyyənliyi dövlətlər arasında konfliktlərə səbəb olub. Əgər bu konfliktlər bir qədər də dərinləşərsə, qlobal iqtisadi sistem üçün ciddi problemlərə səbəb ola bilər. Nəzərə almaq lazımdır ki, BMT yaxın gəlkəcəkdə bütün dünyanı gözləyən ərzaq böhranı ilə bağlı xəbərdarlıq edib. Bu mənada indiki halda geosiyasi gedişlərin düzgün mənimsənilməsi çox vacibdir”.