Bəs görəsən ABŞ kəşfiyyatının yaydığı bu məlumat nə dərəcədə doğrudur? Rusiya həqiqətən də kimyəvi silahdan istifadə edə bilərmi?
Manevr.az -ın xəbərinə görə, mövzu ilə bağlı konkret.az-a danışan politoloq Cümşüd Nuriyev bildirib ki, yayılan məlumatlar əslində informasiya savaşıdır: “Hər halda Rusiyanın kimyəvi silahdan istifadə edəcəyini düşünmürəm. Eyni hadisələri biz İraqda, Suriyada da görmüşük. Rusiya o qədər ağılsız deyil ki, müharibədə kimyəvi silahdan istifadə etsin. Lakin bunun heç bir halda olmayacağı haqda konkret fikir də söyləmək olmaz. Rusiyanın kimyəvi silahdan necə istifadə edəcəyi qaranlıqdır. Çünki kimyəvi silahdan istifadə olunarsa bu, sonradan Rusiyanın öz əleyhinə çevrilə bilər. Hələ bu ölkənin kimyəvi silahının olub-olmaması da sual altındadır”.
Politoloq bildirib ki, bu məlumatların yayılması ABŞ-a sərf edir: “Adətən belə şeylər əvvəlcədən hazırlanmış senari əsasında həyata keçirilir. Rusiyanın əleyhinə olan qüvvələr istəyir ki, onun adını kimyəvi silah məsələsində hallandırsınlar. Bununla Rusiyanı beynəlxalq məhkəməyə vermək istəyirlər. Hazırda situasiya çox gərgindir. Hadisələrin necə cərəyan edəcəyi heç kimə tam aydın deyil. Ona görə də konkret proqnoz vermək çətindir.
