Xəbər lenti
Çin də müharibəyə qarşı çıxdı – “Bu, Pekinə də problem yaradır”
“Çin Rusiya-Ukrayna müharibəsinin dayandırılmasını istəyir”.Manevr.az xəbər verir ki, bunu politoloq Elxan Şahinoğlu deyib.
Ekspert Rusiya-Ukrayna böhranı ətrafında yaranmış geosiyasi proseslərə diqqət çəkib: “Dünyanın diqqəti Rusiyanın Ukraynaya işğalına və davam edən müharibəyə yönəlsə də, Vaşinqton-Pekin qarşıdurması da səngiməyib. ABŞ-ın ticarət naziri Cina Raymondo deyib ki, Çin şirkətləri Rusiya əleyhinə sanksiyalara qoşulmasalar, onlara qarşı da sanksiyalar tətbiq olunacaq.
Çinin Şanxay şəhərindəki nəhəng SMIC şirkəti Qərb texnologiyaları əsasında proqram təminatı üçün yarımkeçiricilər istehsal edir. SMIC Rusiyaya məhsul ixrac etsə, ABŞ həmin şirkəti proqram təminatından məhrum edəcək. Amerika ticarət nazirinin sözlərinə görə, ölkəsi Çinin həmin şirkəti ilə əməkdaşlığı dayandırsa Çin çip istehsal edə bilməyəcək. Bu Çinə böyük zərbə olar.
Beləliklə, Vaşinqton çalışır ki, Pekin Ukrayna məsələsində “neytral siyasət”dən əl çəksin. Avropa İttifaqının xarici siyasət məsələləri üzrə komissarı Jozef Borrel də bir müddət əvvəl Çin Xarici işlər naziri Van Yiyə müracitə edərək müharibənin dayandırılması məqsədilə Pekinin Kremlə təsir etməsini istəyib. Buna baxmayaraq, Pekinin mövqeyində dəyişiklik yoxdur”.
Elxan Şahinoğlu bununla belə, Pekinin müharibənin dayandırılmasını istədiyini bildirib:
“Müharibənin davam etməsi Çin üçün geosiyasi və geoiqtisadi risklər yaradır. Birincisi, Çinin Ukrayna ilə iqtisadi əməkdaşlığı donub, Çin Ukraynadan kənd təssərrüfatı məhsulları idxal edə bilmir. İkincisi, Qərb sanksiyaları səbəbindən Rusiya iqtisadiyyatının zəifləməsi nəticəsində Çinin bu böyük bazarda gəlirləri azalacaq. Çünki Rusiya vətəndaşlarının alıcılıq qabiliyyəti getdikcə azalacaq. Üçüncüsü, müharibənin davam etməsi Çinin “Bir Kəmər, Bir Yol” layihəsinə təhlükə yaradır. Dördüncüsü, Amerika Ukrayna böhranı fonunda Çinin müxtəlif şirkətlərinə qarşı sanksiya siyasətini genişləndirə bilər ki, bu Pekinə əlavə problemlər yaradacaq”./teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Kriminal
Yazarlar
Emil Rasimoğlu
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Sorğu
Portalımızı dəyərləndirin.
Çox oxunanlar