Xəbər lenti
Separatçılar yazda hücuma hazırlaşır? - Açıqlama
Xankəndidəki separatçı-terrorçu rejimin "parlamenti” "işğal olunmuş ərazilər haqqında” qondarma "qanun layihəsi”ni birinci oxunuşda qəbul edib. Qondarma "qanun”a görə, Şuşa, Xocavənd, Ağdərə, Hadrut, Əsgəran, Laçın, eləcə də Goranboy və keçmiş Xanlar rayonu separatçı-terrorçu rejimin ərazisi olaraq qəbul edilib.
Maraqlıdır, separatçı-terrorçu rejimin "parlamenti” "işğal olunmuş ərazilər haqqında” qondarma "qanun layihəsi”ni qəbul edərək nəyə nail olmaq istəyir? Rəsmi Bakı cavab olaraq antiterror əməliyyatlarına başlaya bilərmi?
Manevr.az-ın xəbərinə görə, mövzu ilə bağlı sfera.az-a danışan politoloq Qabil Hüseynli deyib ki, terrorçu rejimin "qanunu” praktiki olaraq əhəmiyyətsizdir.
"Nə rəsmi Bakı, nə də beynəlxalq aləm Xankəndidəki separatçı-terrorçu rejimi tanımır. Dolayı yolla terrorçu rejimin bu "qanun”unun da heç bir hüquqi əhəmiyyəti yoxdur. Özləri də yaxşı bilir ki, praktikada bu qanunu tədbiq edə bilməzlər. Digər rayonlar bir yana, Goranboy və keçmiş Xanlar rayonu separatçı-terrorçu rejimin ərazisi olaraq qəbul edilib. Göründüyü kimi absurd və heç bir məntiqə sığmayan addımdır.
Separatçılar indiki halda qondarma "qanun”dan Qarabağın "statusu” məsələsində istifadə etmək istəyirlər. Separatçılar hələ də düşünürlər ki, onlara status veriləcək. Ölkə başçısı Prezident İlham Əliyevin də dediyi kimi heç bir status olmayacaq. Bu məsələ nə bu günün, nə də yekun sülh müqaviləsinin müzakirə predmeti deyil”.
Politoloqun sözlərinə görə, Azərbaycan separatçıların nazı ilə oynamamalıdır:
"Hesab edirəm ki, separatçıların son addımı rəsmi Bakıya antiterror əməliyyatlarına başlamaq üçün əsas verir. Xankəndidəki şər yuvası ən qısa zamanda məhv edilməlidir. Yay və ya payız aylarında antiteror əməliyyatlarına başlamaq olar. Hesab edirəm, antiterror əməliyyatların ilk işartıları da görünür. Misal üçün Azərbaycan Baş Prokurorluğunun İstintaq İdarəsinin rəisi Nemət Əvəzovun özünü qondarma qurumun başçısı kimi təqdim edən Araik Arutyunyanın qısa müddətdə istintaqa təqdim ediləcəyi və məhkəməyə çıxarılacağı barədə açıqlamasını təsadüfi hesab etmək olmaz. Bakı bununla dolayı yolla Xankəndidəki rejimə xəbərdarlıq edir. Mümkündür ki, Araikin həbsi və ya antiterror əməliyyatları ilə bağlı Moskva ilə danışıqlar getsin. Bakı bir 30 il də Xankəndidəki terrorçularla mübarizə aparmayacaq"
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar