_99.jpg)
Xəbər lenti
Ordumuz anti-terror əməliyyatına başlaya bilər? – Rəylər
Son günlər Rusiya sülhmərmlılarının müvəqqəti yerləşdiyi ərazilərimizdə erməni separatçı tör-töküntülərinin hərəkətləri cəmiyyətimizdə son dərəcə əsəbi bir mühüt formalaşdırıb. Və hər kəs haqlı olaraq soruşur ki, bu, niyə baş verir və bunun sonu olacaqmı? Əlbəttə ki, uzun müddət belə davam edə bilməz. Ordumuzun əsgərlərinə qarşı Daşaltı yaxınlığında nəzarət-buraxılış məntəqəsində həyata keçirilmiş terror və bundan sonra həmən terorçunun çox rahat şəkildə ermənilərə verilməsi qəbuledilməzdir.
Manevr.az-ın xəbərinə görə, bu sözləri axar.az-a hərbi ekspert, ehtiyatda olan polkovnik Üzeyir Cəfərov Azərbaycanın anti-terror əməliyyatı ehtimalı ilə bağlı sualı cavablandırarkən deyib.
“Baş verənlər düşündüyümüzdən də dərin və qəliz məsələlərdir. Azərbaycan sözsüz ki, bunları cavabsız buraxmayacaq. Mütləq cavab tədbirləri görüləcək və görülür. Anti-teror əməliyyatları isə an məsələsidir. Özü də bunu bizim igidlər çox səliqəli və qısa zamanda həyata keçirə bilərlər”, - Ü.Cəfərov bildirib.
Hərbi ekspertin sözlərinə görə, son vaxtlar Rusiya sülhməramlılarının da bəzi addımları Azərbaycan ictimaiyyəti tərəfindən dərin narahatlıqla qarşılanır:
“Xocalı ərazisində pravoslav kilsəsinin inşası, bəzi rus mədəniyyət xadimlərinə heykəllərin qoyulması, bununla paralel olaraq erməni yaraqlılarının cəzasızlıq mühütündə təxribatlara cəhdlər etməsi ciddi suallar doğurur. Belə davam edəcəksə, yaxın vaxtlarda biz daha çirkin və narahat hadisələrin şahidi olacağıq. Bunun qarşısı alınmalıdır və mütləq alınacaq. Həm də erməni yaraqlıları Azərbaycan tərəfə güc tətbiq etməsindən başqa yol saxlamır. Bu dəfə onların alacaqları zərbə ötən il 44 günlük Vətən savaşında aldıqları sarsıdıcı zərbədən daha ağır və ölümcül olacaq”.
Politoloq Qabil Hüseynli isə hesab edir ki, anti-terror əməliyyatının vaxtı artıq yetişməkdədir və o prosesi həyata keçirmədən ermənilərlə normal sülhə nail olmaq mümkün deyil.
Politoloq onu da qeyd edib ki, terrorçunun separatçılara verilməsi rus sülhməramlılarının öz qərarı deyil:
“Hesab edirəm ki, Rusiyadakı bəzi qruplar da bu işdə maraqlı olub. Bütün bunlar isə məsələlərin dinc yolla həllinə kölgə salır və anti-terror əməliyyatını qaçılmaz edir”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar