Xəbər lenti
“Erməni dilində danışırıq” deyən deputata keçmiş nazirdən sərt reaksiya: “Ayıbdır...“
“Erməni əsilli Azərbaycan vətəndaşlarının cəmiyyətimizə yenidən inteqrasiyasına töhfə vermək üçün biz erməni dili kursları təşkil edirik. Biz erməni dilini öyrənirik, erməni dilində danışırıq, erməni dilini öyrədirik”.
Bu fikirlə Milli Məclisin payız sessiyasının plenar iclasında millət vəkili Tural Gəncəliyev çıxış edib.
Manevr.az xəbər verir ki, deputatın səsləndirdiyi fikirlərə münasibət bildirən sabiq təhsil naziri, professor Firudin Cəlilov Publika.az-a açıqlamasında deyib ki, 20 minlik etnik azlığın cəmiyyətə inteqrasiyası üçün 10 milyondan çox insanın erməni dilini öyrənməyə cəlb olunması təşəbbüsü məntiqəuyğun deyil:
“Deputatın səsləndirdiyi bu fikirlər tamamilə absurddur. Bu, nə çıxışdır?! Ayıbdır. Qarabağ ermənilərinə görə bizim hamımızın erməni dilini bilməyimiz çox absurd və gerçəyə uyğun olmayan bir təklifdir. Əgər Qarabağ erməniləri Azərbaycanda yaşayacaqsa, qoy onlar bizim dilimizdə danışsınlar. Onlar həm də Azərabaycan vətəndaşıdır. Öz dillərində danışa bilərlər, təhsil ala bilərlər, başqa azsaylı xalqlar necə yaşayırlarsa, onlar da elə etsinlər. Qarabağ ermənilərinin yarısı alban xristianlarıdır. Onların əksəriyyəti Azərbaycan türkcəsini çox yaxşı bilir. Ermənilərin də bizim dilimizi öyrənməyinə ehtiyac yoxdur, onlar bunu çoxdan öyrəniblər. Onlar lazım gəlsə, bizdən də yaxşı danışırlar. Buna görə də ortada problem yoxdur, özümüzdən nələrsə yaratmağa da ehtiyac yoxdur”.
Professor T.Gəncəliyevin çıxışını əsassız hesab edir: “Deputatın bu fikirləri çox məntiqsizdir. Deməli, Azərbaycanda 100 min ləzgi varsa, gedib hamımız onların dilini öyrənməliyik? Kürdü, talışı və digərlərini də o formada öyrənməliyik? Buna nə ehtiyac var?! Heç cür anlaya bilmirəm, görəsən bu ağıl ilə onlar gedib parlamentə necə çıxıblar?! Ölkəmizdə dövlət dili Azərbaycan dilidir. Onlar da Azərbaycan dilində danışmalıdırlar. Öz dillərində məktəb ola bilər, bu, bizim Konstitusiyamızda da var. Kim istəyirsə, öz ana dilində olan məktəbdə oxuya bilər, bu, onların öz seçimidir. Amma 10 milyondan çox azərbaycanlının ermənilərin inteqrasiyası üçün gedib erməni dilini öyrənməsi absurddur”./yenisabah.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar