Xəbər lenti
Təlimlər Ankara və Bakının Tehrana cavabıdır? – Polkovnikdən AÇIQLAMA
Sabah Azərbaycan və Türkiyə silahlı qüvvələrinin iştirakı ilə Naxçıvanda "Sarsılmaz qardaşlıq-2021” birgə döyüş atışlı taktiki təliminə start veriləcək. 5-8 oktyabr tarixlərində keçiriləcək təlimin bir neçə gündür, davam edən və bu gün yekunlaşan İranın "Xeybəri fəth edənlər” kod adlı hərbi təlimləri ilə paralelik təşkil etməsi maraqla qarşılanıb.
Maraqlıdır, rəsmi Bakı Ankara ilə birlikdə keçirdiyi "Sarsılmaz qardaşlıq-2021” təlimi İranın cənub sərhədlərimizdə keçirdiyi "Xeybəri fəth edənlər” təliminə cavab xarakteri daşıyır?
Manevr.az-ın xəbərinə görə, məsələ ilə bağlı sfera.az-a açıqlama verən hərbi ekspert, polkovnik Şair Ramaldanov deyib ki, "Sarsılmaz qardaşlıq-2021” hərbi təlimi heç bir halda "Xeybəri fəth edənlər” təliminə cavab xarakterli deyil.
"Məsələ ondadır ki, "Sarsılmaz qardaşlıq-2021” hərbi təlimi öncədən planlaşdırılan təlimdir. İndiki halda təlimin məqsədi iki qardaş ölkənin silahlı qüvvələrinin birgə fəaliyyətinin təşkili, qarşıya qoyulan məqsədlərin birlikdə həll edilməsi, iki ordunun qarşılıqlı əlaqələndirilməsi və təcrübə mübadiləsidir.
Bildiyiniz kimi, Azərbaycan və Türkiyə arasında hərbi təlimlər getdikcə intensivləşir. Bu da təsadüfi deyil. Çünki rəsmi Bakı ilə Ankara arasında hərbi əməkdaşlığa dair müvafiq sənəd imzalanıb. Bu sənədə görə, tərəflər il ərzində təyin edilmiş vaxtlarda qarşılıqlı hərbi təlimlər keçirə və ya tərəflərdən biri digərinin istəyi ilə yenə eyni qaydada təlimlər keçirə bilər.
O ki qaldı İranın cənub sərhədlərimizdə keçirdiyi hərbi təlimə deyə bilərəm ki, bu İranın öz daxili işidir. Düşünmürəm ki, bu təlimlər də rəsmi Bakıya yönələn br təhdiddir. İran öz ərazisində istədiyi kimi hərbi təlim keçirə bilər. Düzdür, iranlı rəsmilər məsələni fərqli cür şərh etsə də düşünürəm, mövcud gərginlik müvəqqətidir və tədricən münasibətlər normallaşacaq.
Nəticə etibarilə İran tərəfinin də "Sarsılmaz qardaşlıq-2021” hərbi təlimlərini özü üçün təhlükə sayması yersizdir. Bu təlimlər heç bir ölkəni hədəfə almır”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar