_99.jpg)
Xəbər lenti
"Xankəndidə ermənilər yas mərasimi keçirir"
“Xankəndidə separatçıların keçirdiyi tədbirə yas mərasimi kimi baxmaq lazımdır. Hamıya aydındır ki, II Qarabağ müharibəsi nəticəsində Ermənistan dövlətçiliyinin əsas siyasi layihəsi olan "Miatsum" - Azərbaycan torpaqlarının Ermənistana anneksiya etmək planı darmadağın olub”.
Manevr.az xəbər verir ki, bunu Azərbaycanın sabiq xarici işlər naziri Tofiq Zülfüqarov bu gün Xankəndidə separatçıların guya müstəqilliklərinin 30 illiyi ilə bağlı keçirdiyi tədbir haqqında danışarkən deyib.
Diplomatın sözlərinə görə, indi Ermənistan daxil olmaqla heç kəs inanmır ki, Azərbaycan ərazilərində anneksiya həyata keçirmək mümkündür: “Bizə qarşı ərazi iddiaları irəli sürülən dövrdə keçmiş Dağlıq Qarabağ Muxtar Vilayətinin ərazisində 127 min erməni yaşayırdı. Mən SSRİ-nin 1987-ci il statistikasına istinad edirəm. Müharibədən qabaq deyilirdi ki, orada vur-tut 50-60 min erməni qalıb. Demək olar ki, onların yarısı müharibədən qabaq qaçıb. II Qarabağ müharibəsi dövründə də oradan kifayət qədər erməni qaçdı. Sonradan guya onların hamısının Xankəndi və digər yaşayış məntəqələrinə qayıtdığı iddia olunurdu. Amma son rəqəmlər belədir ki, orada cəmi 20-25 min erməni yaşayır. Yəni əhalisinin azalması baş alıb gedir".
Sabiq diplomat qeyd edib ki, son 30 ildə Qarabağda olan ermənilər çoxalmadı, kritik şəkildə azaldı və bu proses davam edir: "Başqa sözlə, onların "Miatsum" layihəsi tam iflas edib. Bu baxımdan indi Xankəndidə keçirilən tədbiri daha çox yas mərasimi kimi qiymətləndirmək daha yaxşı olardı. Erməniləri yaxşı tanıyanlar bilirlər ki, onlar yas mərasimlərini yüksək səviyyədə keçirə bilirlər. Görünən budur ki, bu layihə 1-2 il ərzində tam məhv olacaq. Bu halda Azərbaycan dövlətini seçən ermənilər orada qalacaq və Azərbaycan vətəndaşlığını alacaqlar. Kim istəyəcəksə, Xankəndi daxil olmaqla indi yaşadıqları ərazilərdən gedəcək”.
T.Zülfüqarov əlavə edib ki, ermənilərin 30 il əvvəl irəli sürdüyü faşist-millətçilik siyasəti indi gətirib onları acı nəticələrlə üz-üzə qoyub: “Bunu da görürlər. Və zaman keçdikcə görməkdə və daha çox hiss etməkdə davam edəcəklər”./teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar