.png)
.png)
Xəbər lenti
Siyasi məhbus siyahısında kimlər var?
Hüquq müdafiəçisi Oqtay Gülalıyev Novator.az-a siyasi məhbus sayılan şəxslərin siyahısından danışıb. Yanvar ayında yaradılmış Siyasi Məhbusların Müdafiə Mərkəzinin koordinatoru olan Oqtay Gülalıyev deyib ki, 160-dan çox siyasi məhbus sənəddə bir neçə bölümə ayrılıb: jurnalistlər və bloqçular; yazar və şairlər; hüquq müdafiəçiləri; gənc fəallar; siyasətçilər; dindar fəallar; keçmiş hakimiyyət nümayəndələri və s.
Siyahıda 7 jurnalist və bloqçunun adı var: Seymur Həzi, Əbdül Əbilov, Nicat Əliyev, Araz Quliyev, Rəşad Ramazanov, Fikrət Fərəməzoğlu (İbişbəyli), Cavid Şirəliyev.
Yazar və şairlər bölümündə 2 nəfərin (Tofiq Həsənli, Saday Şəkərli), hüquq müdafiəçiləri siyahısında 1 nəfərin (Əliabbas Rüstəmov) adı yer alır.
Gənc fəallardan 5 nəfərin adı siyasi məhbus siyahısına salınıb: İlkin Rüstəmzadə, Elvin Abdullayev, Qiyas İbrahimov, Bayram Məmmədov, Elgiz Qəhrəmanov.
Siyasətçi məhbuslar siyahısına 7 nəfərin adı daxil edilib: İlqar Məmmədov, Zeynalabdin Bağırzadə, Fuad Qəhrəmanlı, Məmməd İbrahim, Asif Yusifli, Fuad Əhmədli, Faiq Əmirli.
Dindar məhbuslardan 106 nəfərin həbsdə olduğu bildirilir. İslam Partiyasının lideri Mövsüm Səmədov, ilahiyyatçı Taleh Bağırovun da adları həmin bölümdədir.
Keçmiş hakimiyyət nümayəndələrindən 3 nəfərin siyasi məhbus olduğu bildirilir: Əli İnsanov, Asif Lətifov, Rüfət Səfərov.
Avropa Şurası 2012-ci ildə siyasi məhbus anlayışının meyarlarını müəyyənləşdirib. Meyarlara görə, azadlıqdan məhrum edilən şəxsə bu hallarda siyasi məhbus kimi baxılmalıdır: saxlanma fikir, vicdan və din azadlığı, fikrin ifadə olunması və informasiya azadlığı, toplaşma və birləşmə azadlığı pozulmaqla həyata keçirilibsə; saxlanma istənilən cinayətlə əlaqəsi olmadan siyasi səbəblərdən həyata keçirilibsə; həbsdə saxlamanın müddəti və ya onun şərtləri şəxsin ittiham olunduğu cinayətə proporsional deyilsə; vətəndaş digər şəxslərlə müqayisədə ayrı-seçkilik əsasında saxlanıbsa və ya saxlama ədalətsiz məhkəmə çəkişməsinin nəticəsidirsə və bu, hakimiyyətin siyasi motivləri ilə bağlıdırsa.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar