_99.jpg)
Xəbər lenti
Bu məsələ erməni təxribatlarına görə ləngiyir - Şərh
Ermənistan erməni lobbisinin köməyi ilə dünya ictimaiyyətinə saxta məlumatlar çatdırır. Özlərinin törətdiyi təxribatları Azərbaycanın üzərinə atmağa çalışırlar.
Manevr.az xəbər verir ki, bunu publika.az-a açıqlamasında politoloq Qabil Hüseynli deyib.
Politoloq vurğulayıb ki, Avropa dövlətləri saxta xəbərlər yayan erməni mənbələrindən məlumatlanır: "Həmin o mənbələrdən bizə qarşı saxta xəbərlər yayımlanır. Biz dünya ictimaiyyətinə çatdırmalıyıq ki, ermənilər işğal dövründə sərhədlərini irəli çəkiblər. Bəzi yerlərdə 10 kilometrə qədər sərhədləri irəli çəkiblər və hələ də o ərazilərdə yerləşiblər. Azərbaycan işğal olunmuş torpaqlarını azad edib və Ermənistana sülh danışıqlarına başlamağı təklif edib. Ermənistan isə müxtəlif bəhanələrlə bu danışıqları yubatmaq istəyir. Sərhəddə atəşkəsi pozaraq bölgədə sülhün bərqərar olmasını istəmir. Onların tək istəyi sərhəddə yeni münaqişənin yaranmasıdır".
Q.Hüseynli qeyd edib ki, Ermənistan sərhəddə rus qoşunlarının yerləşdirilməsini istəyir: "Fransa dövləti müharibə dövründə olduğu kimi müharibədən sonra da Ermənistana dəstək verməyə davam edir. Ümumiyyətlə, sərhəddə demarkasiya və delimitasiya işləri Ermənistanın təxribatlarına görə ləngiyir. Xaricdən olan qüvvələr Ermənistanı təhrik edir və onlar sərhəddə tez-tez bu cür təxribatlar törədirlər. Onlar bu cür qarşıdurmalar yaratmaq istəyirlər, ancaq Azərbaycan Silahlı Qüvvələri hər bir təxribatın qarşısını alır. Ermənilər təhrikedici hərəkətlərindən uzaqlaşmaq istəmirlər. Ermənistan hakimiyyəti bölgədə sülhün bərqərar olmasını istəmir".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar