_99.jpg)
Xəbər lenti
Müşfiq Məmmədli: "Jirinovskiyə məsləhət görərdim ki, Rusiyanın daxili problemləri ilə məşğul olsun"
"Jirinovski, bir siyasətçinin dediyi kimi, "beynində tarakan dolaşan" şəxsdir. Hər dəfə o həşəratlar tərpənməyə başlayanda sərsəm bəyanatlar verir".
Manevr.az xəbər verir ki, bu sözləri Milli Məclisin deputatı Müşfiq Məmmədli rusiyalı siyasətçi, Rusiya Liberal Demokrat Partiyasının sədri Vladimir Jirinovskinin son çıxışına münasibət bildirərkən deyib.
Deputat bildirib ki, onun verdiyi son açıqlamaya mütləq şəkildə reaksiya verilməlidir. "Bildiyimiz kimi, Jirinovski "Velikorus şovnizmi"nin təbliğatçısı, bu ideologiyanı sərsəm fikirlərlə yayan şəxsdir. Hansı ideologiyanın daşıyıcısı olursa olsun, ona heç kim ixtiyar verməyib ki, müstəqil ölkənin rəhbəri haqqında sərsəm fikirlər səsləndirsin. Ona məsləhət görərdim ki, Rusiyanın daxilində olan problemlərlə məşğul olsun. Qonşu dövlətlərə, zəngin dövlətçilik ənənəsi olmuş xalqlara yuxarıdan aşağı baxmaq kimi düşüncələrindən azad olsun",- deyə millət vəkili vurğulayıb.
M.Məmmədli qeyd edib ki, Jirinovski deyəsən tarixdən, Azərbaycanın hansı tarixi, siyasi sınaqlardan keçdiyindən, dünyaya hansı töhfələr verdiyindən, ölkəmizin yetişdirdiyi dahi şəxsiyyətlərdən bixəbərdir.
"Sovetlər İttifaqı dağıldıqdan sonra öz müstəqilliyini yenidən bərpa edən Azərbaycan Ulu Öndər Heydər Əliyevin sayəsində böyük inkişaf yolu keçdi. Onun layiqli davamçısı Azərbaycan Respublikasının prezidenti cənab İlham Əliyev məhz bu yolu uğurla davam etdirərək düzgün strategiya və uğurlu taktiki addımlar nəticəsində ölkəmizin dünya dövlətləri sırasında mövqeyini yüksəltdi, yeni dövlət modelini dünyaya tanıtdı. Xalqımız öz doğru seçimini etmişdir. Onun Dəmir Yumruqlu lideri var. Xalqımız öz liderinin ətrafında vahid milli ideya uğrunda sıx birləşmişdir. Dövlətimiz əleyhinə fəaliyyət göstərən istənilən xarici və ya daxili qüvvəyə layiqli cavab vermək iqtidarındayıq. Torpaqlarımıza göz dikən qara qüvvələrə mənfur qonşumuzun iflas nümunəsi dərs olmalıdır",- deyə siyasətçi sözlərini tamamlayıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar